+7 (701) 759 90 19
USD 385.55 EUR 426.57
RUB 6.05 CNY 54.77
Jańalyqtar

Golovkınmen qoshtasqan bapkeri Sanches óz ashýyn jasyra almady

2019 jylǵy 25 sáýir 09:30
Bólisińiz:
Golovkınmen qoshtasqan bapkeri Sanches óz ashýyn jasyra almady

NUR-SULTAN. QazAqparat - Orta salmaqtaǵy burynǵy álem chempıony Gennadıı Golovkınniń burynǵy bapkeri Abel Sanches boksshy mansabyna qatysty keıbir derekterdi jaıyp saldy, dep habarlaıdy QazAqparat Sports.kz-ke silteme jasap.

Gennadıı bapkeri Sanchespen kelisimshartty úzetindigine qatysty málimdemesinde sypaıylyq saqtaǵan bolsa, Abel óz suhbatynda boıyn kernegen yzasyn jasyra almady. Oǵan bapkerlik qyzmeti úshin aqynyń qysqaratyny unamaǵan. Artynsha, munyń astarynda aqsha máselesi jatqanyn aıtty.

«Jaqsylyqty bilmeıtin ashkóz. Ol jýyrda ǵana DAZN-men 100 mıllıon dollarǵa kelisimshart jasasty. Budan keıin aqsha jetpeıtindigin alǵa tartyp, túbegeıli sharaǵa barýǵa májbúr ekendigińizdi aıtýǵa bola ma? Osynyń bári aqsha úshin. Men olardyń bul qorlyǵyna shydaı almas edim. Bul yzańdy keltiredi. Sebebi bul jigit mundaı qadamǵa baratynyn eshqashan oılaǵan emespin. Ony uıaty bar, adal, tárbıeli dep oılaıtynmyn. Bul ony osynshama ózgertetinin oılamappyn. Men yzaǵa býlyǵyp otyrmyn», - dedi Sanches ESPN-ge bergen suhbatynda.

Qazaqstandyq boksshy Gennadıı Golovkın meksıkalyq bapkeri Abel Sanchespen jumysyn toqtatqany týraly buǵan deıin habarlaǵan bolatynbyz.

«Men ózim úshin, mansabym úshin mańyzdy sheshim qabyldaǵanymdy jetkizgim keledi. Jetistikterime súıene otyryp, ózimdi jetildire túskim keledi. Sondyqtan endi Abel Sanchespen jattyǵý ótkizbeımin. Bul men úshin ońaı sheshim bolǵan joq ári munyń Abeldiń kásibı qabiletine de esh qatysy joq. Ol - tamasha bapker, jumysyna adal, Dańq zalyna aty jazylǵan bapker. Jańa bapkerim týraly keıinirek habarlaımyn. Al búgin boksta bergen sabaqtary úshin Abelge alǵys aıtamyn», - dedi ol.

Bizdiń kanalymyzǵa jazylyńyz:

Basty sózder: Sport, Gennadıı Golovkın, Boks,
Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Janıbek Amangeldı
Janıbek Amangeldı
954-059

MURAǴAT