+7 (701) 759 90 19
USD 422.87 EUR 503.38
RUB 5.6 CNY 64.3
Jańalyqtar

Golovkın, úshinshi jekpe-jekke daıyn bolǵan kezde kelersiń - De La Hoııa

2018 jylǵy 20 qazan 15:21
Bólisińiz:
Golovkın, úshinshi jekpe-jekke daıyn bolǵan kezde kelersiń - De La Hoııa

ASTANA. QazAqparat - Golden Boy Promotions (GBP) promoýterlik kompanııasynyń basshysy Oskar De La Hoııa burynǵy álem chempıony, qazaqstandyq Gennadıı Golovkınge (38-1-1, 34 KO) budan bylaı qarjylyq jaǵynan jeńildik jasalmaıtynyn anyq uqtyryp otyr. Eger ol GBP juldyzy, WBC, WBA Super meksıkalyq chempıony Saýl Alvarespen (50-1-2, 34 KO) úshinshi jekpe-jekke kelisse, tek ózine usynylǵan talaptar boıynsha ǵana judyryqtasatyn bolady, dep habarlaıdy Sports.kz.

Eske sala keteıik, Alvarespen revansh kezinde Golovkın júlde qorynyń 45 paıyzyn óz qaltasyna salǵan bolatyn. Ol jekpe-jek 2018 jyldyń qyrkúıek aıynda ótti jáne meksıkalyq boksshynyń jeńisimen aıaqtalǵan. Qos tarap ta úshinshi aıqastyń bolǵanyn qalaıtyn syńaıly, al 2017 jyly ótken birinshi jekpe-jekte ekeýi teń túsken edi.

«GBP prezıdenti Erık Gomes Golovkınniń promoýteri Tom Lefflermen únemi baılanysta, - dedi De La Hoııa FightHub bergen suhbatynda. - Ázirge Alvares salmaq boıynsha joǵary kóterilip, 76,2 kg salmaqta tıtýldy jeńip alýǵa tyrysady (ol 15 jeltoqsanda Nıý-Iorkte Rokkı Fıldıngpen bokstasady). Sóıtip Golovkın istemegen nárseni isteıdi. Eger Alvares jeńse, orta salmaqqa qaıta oralady jáne úzdikterdiń úzdigimen qaıta kezdesedi».

«Eger úshinshi aıqas Golovkındi shynymen de qyzyqtyrsa, men onyń búgingi naryqqa saı qunyn, ıaǵnı suraıtyn gonoraryn shamalap otyrmyn. Eger ol biz usynǵan soma úshin aıqasýǵa kelispese, onda qalaǵan adamymen judyryqtasa bersin. Qazir men ol somany aıtýǵa daıyn emespin, biraq ózińiz qarańyzshy - Alvares búginde ómirine dán rıza. Ázirge Golovkın basqa joldardy qarastyryp jatyr. Men oǵan bylaı der edim - «Golovkın, daıyn bolǵan kezde, kel de, jaı ǵana esigimdi qaq», - dep málimdedi De La Hoııa.

Bizdiń kanalymyzǵa jazylyńyz:

Bólisińiz:

Avtor:

Janat Qapalbaeva

Pikir qaldyrý
+7
Jiberý
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Erbol Janat
Erbol Janat
954-059
REDAKTOR
Janıbek Amangeldı
Janıbek Amangeldı
954-059

MURAǴAT