+7 (701) 759 90 19
USD 412.55 EUR 468.66
RUB 5.79 CNY 58.80
Jańalyqtar

Gollıvýdtyń prodıýser-rejısseri Tarazda sheberlik sabaǵyn ótkizdi

2019 jylǵy 19 qarasha 22:23
Bólisińiz:
Gollıvýdtyń prodıýser-rejısseri Tarazda sheberlik sabaǵyn ótkizdi

TARAZ. QazAqparat – Jambyl oblysy ákimdiginiń mádenıet, arhıvter jáne qujattama basqarmasyna qarasty «Oblystyq kıno ortalyǵy», «TarazFilmSchool» kınomektebi, AQSh-tyń bas konsýldyǵy birlese uıymdastyrýymen Tarazdaǵy «Astana Park» kınoteatrynda «Tarıh qurylymy» atty ashyq semınar ótti, dep habarlaıdy QazAqparat tilshisi.

Uqsas jańalyqtar
Ádilhan Erjanovtyń fılmi Venetsııa kınofestıvaline qatysady

Semınar barysynda Amerıka Qurama Shtattarynan arnaıy kelgen gollıvýdtyq belgili prodıýser, rejısser-stsenarıst, montaj rejısseri jáne Emmı syılyǵynyń nomınanty, jazýshy – Djennıfer Arnold qazirgi kezde kınonyń qoǵamda alatyn orny, túsirilim kezinde rejısserdiń, stsenarıstiń, akterdiń is-qımyldary, sıýjettiń qurylymdary jóninde sheberlik sabaǵyn ótkizdi.

Semınar baǵdarlamasyna sáıkes, Jambyl «Oblystyq kıno ortalyǵynyń» dırektory E.Áýesbaev, Qazaqstandaǵy AQSh Bas konsýldyǵynyń ókili B.Býrına, «Taraz Film School» dırektory D.Qamshybaev ótkizilip jatqan shara týraly óz oılarymen bólisti.

Aıtýly shara óńirlik kınoındýstrııany damytý, daryndy jastardyń kıno ónerine súıispenshiligin arttyrý jáne kásibı bilimi men biliktiligin shyńdaýǵa múmkindik syılaý, bos ýaqyttaryn tıimdi paıdalana otyryp, otandyq kınematografııanyń órkendeýine úles qosatyn mamandardy daıarlap shyǵarýǵa negizdeldi. Oǵan Taraz qalasynyń joǵary oqý oryndary, kolledj mektepterden jáne basqa da mekemelerden 150-ge jýyq kórermen qatysty.

Aıta keteıik, Djennıfer Arnold komedııa, drama, kórkem fılm jáne derekti fılmder túsiredi. Ol – «A Small Act» (HBO), «The Diplomat» (ESPN) jáne «Tig» (Netflix) tárizdi tanymal derekti fılmderdiń rejısseri, sondaı-aq «Fat Camp» komedııasy men «Fox» arnasyndaǵy «The Last Man on Earth» jáne «Ghosted» serıaldaryn túsirýge qatysqan. Onyń rejısserlik jumystarynyń arasynda «American Horror Story» jáne «American Housewife» serıaldary da bar.

Bizdiń kanalymyzǵa jazylyńyz:

Bólisińiz:

Avtor:

Qajy Murat

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Janıbek Amangeldı
Janıbek Amangeldı
954-059

MURAǴAT