Germanııanyń «Jasyl Ortalyq Azııa» bastamasynda Qazaqstan negizgi ról atqarady
2022 jylǵy 11 aqpan 15:24

Germanııanyń «Jasyl Ortalyq Azııa» bastamasynda Qazaqstan negizgi ról atqarady

NUR-SULTAN. QazAqparat - Nemis kompanııalary Qazaqstan 2060 jylǵa qaraı josparlap otyrǵan klımattyq beıtaraptyqqa qol jetkizýge mańyzdy úles qosa alady. Sondaı-aq, Qazaqstan Germanııanyń «Jasyl Ortalyq Azııa» bastamasynda negizgi ról atqarady. Bul týraly GFR-diń Shyǵys Eýropa, Kavkaz jáne Ortalyq Azııa elderimen yntymaqtastyq máseleleri jónindegi ýákili Mattıas Lıýtenberg málim etti, dep habarlaıdy QazAqparat tilshisi.

«Germanııa men Qazaqstan umtylyp otyrǵan ekonomıkany dekarbonızatsııalaý da - mańyzdy oqıǵa. Tájirıbege, turaqty ınvestıtsııaǵa jáne zamanaýı tehnologııalarǵa baı nemis kompanııalary Qazaqstan 2060 jylǵa qaraı josparlap otyrǵan klımattyq beıtaraptyqqa qol jetkizýge mańyzdy úles qosa alady. Sondaı-aq Qazaqstan Germanııanyń «Jasyl Ortalyq Azııa» bastamasynda negizgi ról atqarady. Onyń kómegimen biz klımattyń ózgerýi jáne aımaqtaǵy qaqtyǵystardyń aldyn alý boıynsha transshekaralyq yntymaqtastyqty kúsheıtkimiz keledi», - dedi Mattıas Lıýtenberg QR SІM-de ótken baspasóz máslıhatynda.

Sonymen qatar nemis ýákili Qazaqstanǵa jasalǵan sapardyń erekshe ekenin jetkizdi.

«Ekijaqty yntymaqtastyǵymyzdy aldaǵy 30 jylda odan ári damyta ári tereńdete túsýge negiz kóp. Qazaqstannyń syrtqy ister mınıstrligi, atap aıtqanda mınıstrdiń orynbasary myrza, qonaqjaılyǵyńyz úshin taǵy da alǵys aıtamyn. Osy aıtýly, erekshe kúni Qazaqstanda bolǵanyma óte qýanyshtymyn», - deıdi meıman.


Uqsas jańalyqtar
Seriktester jańalyqtary

Jańalyqtar

Úrdis

MURAǴAT