+7 (701) 759 90 19
USD 424.99 EUR 504.21
RUB 5.81 CNY 65.66
Jańalyqtar

Germanııanyń densaýlyq saqtaý mınıstri koronavırýs juqtyrdy

2020 jylǵy 22 qazan 08:06
Bólisińiz:
Germanııanyń densaýlyq saqtaý mınıstri koronavırýs juqtyrdy

BERLIN. QazAqparat – Germanııanyń densaýlyq saqtaý mınıstri Iens Shpannan koronavırýs anyqtaldy, habarlaıdy QazAqparat tilshisi.

Koronavırýs pandemııasy kezinde Germanııada eń tanymal bolǵan 40 jastaǵy saıasatker birden úı karantınine jiberildi. Mınıstr emdi úıde qabyldaıdy.

Apta basynda I.Shpan úkimet otyrysyna qatysqan bolatyn. Ol vırýs juqtyrýshysy bolýy múmkin. Alaıda, Germanııadaǵy keıbir BAQ-tyń habarlaýynsha, I.Shpan gıgıena erejelerin saqtap, maska taqqan, sondyqtan onyń mınıstrler kabınetindegi áriptesterine karantınge ketý mindetti emes.

Sondaı-aq, Germanııada COVID-19 juqtyrýshylar sany ósýde. Robert Koh ınstıtýtynyń málimetinshe, sońǵy táýlikte elde 7 595 koronavırýsqa shaldyǵýdyń jańa jaǵdaıy tirkelgen. Aýrý juqtyrý kórsetkishi 100 myń halyqqa shaqqanda 51 syrqattaný jaǵdaıyn quraıdy. Germanııada pandemııa bastalǵaly 380 myńnan astam koronavırýsqa shalydǵý jaǵdaıy tirkelgen. Olardyń 302 myńnan astamy emdelip shyqqan. 9966 adam qaýipti indetten kóz jumǵan.


Bizdiń kanalymyzǵa jazylyńyz:

Bólisińiz:

Avtor:

Aıaýlym Altynbek

Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Aıdar Ospanalıev
Aıdar Ospanalıev
954-059

MURAǴAT