+7 (701) 759 90 19
USD 405.69 EUR 455.51
RUB 5.72 CNY 57.42
Jańalyqtar

Germanııamen bilim berý salasyndaǵy yntymaqtastyqty jalǵastyra beremiz - Toqaev

2019 jylǵy 5 jeltoqsan 22:23
Bólisińiz:
Germanııamen bilim berý salasyndaǵy yntymaqtastyqty jalǵastyra beremiz - Toqaev

BERLIN. QazAqparat – Germanııamen bilim berý salasyndaǵy yntymaqtastyqty aldaǵy ýaqytta da jalǵastyra beremiz. Bul týraly Qazaqstan Prezıdenti Qasym-Jomart Toqaev Germanııa Kantsleri Angela Merkelmen BAQ ókilderine ótkizgen birlesken baspasóz máslıhatynda málim etti. QazAqparat bul týraly Aqordaǵa silteme jasap habarlaıdy.

Uqsas jańalyqtar
Memleket basshysy aýyldardy ınternetpen qamtý týraly Zańǵa qol qoıdy Qazaqstan men Reseı Prezıdentteri telefon arqyly sóılesti Prezıdent qazaqstandyqtardyń ómiri men densaýlyǵyn qorǵaý boıynsha Ulttyq jospar ázirleýdi tapsyrdy

Qazaqstan Prezıdenti Germanııa Kantslerine qonaqjaılyq kórsetkeni úshin rızashylyǵyn bildirip, Merkel hanymnyń eki el arasyndaǵy dostyq baılanystardy nyǵaıtýǵa qosqan úlesin joǵary baǵalaıtynyn aıtty. Memleket basshysy aldaǵy ýaqytta Qazaqstan óziniń syrtqy saıasatyndaǵy sabaqtastyqty saqtap, Tuńǵysh Prezıdent – Elbasy Nursultan Nazarbaevtyń bastamalaryn jalǵastyra beretinin atap ótti.

Qasym-Jomart Toqaev Prezıdent retinde Eýropa odaǵy boıynsha alǵashqy resmı saparyn Germanııadan bastaǵanyn aıtyp, Qazaqstan úshin osy elmen yntymaqtastyqty nyǵaıtýdyń mańyzy zor ekenine toqtaldy. Sondaı-aq Memleket basshysy bul sapardyń basty maqsaty eki el arasyndaǵy ekonomıkalyq yntymaqtastyq pen saıası yqpaldastyqqa jańa serpin berý ekenin jetkizdi.

«Germanııa ekonomıkalyq áleýeti jaǵynan álemdegi tórtinshi memleket bolǵanymen, bizdiń elimizge tikeleı ınvestıtsııa salyp otyrǵan memleketterdiń ishinde 12-orynda. Qazaqstan ártúrli saladaǵy 700-den astam jobany jekeshelendiretin bolady. Bul nemis ınvestorlary men kompanııalaryna jaqsy múmkindik týǵyzady dep sanaımyn. Neǵurlym ınvestıtsııa kóp tartylsa, soǵurlym eki el úshin de tıimdi bolmaq», – dedi Memleket basshysy.

Sonymen qatar Qasym-Jomart Toqaev Qazaqstannyń Germanııa ınvestorlary úshin arnaıy jeńildikter usynyp otyrǵanyn, bul eki tarapqa da óte tıimdi bolatynyn aıtty.

Baspasóz máslıhaty barysynda jýrnalıster Germanııaǵa eksporttalatyn taýar kóleminiń sońǵy 8 aıda 21,4%, ıaǵnı 2,258 mıllıard eýroǵa tómendep ketkeniń, sarapshylar munyń sebebin munaı naryǵyndaǵy jaǵdaımen baılanystyryp otyrǵanyn surady.

«Rasynda, mundaı úrdis bar. Búgingi saparymnyń basty maqsaty – osy jaǵdaıdy meılinshe ózgertý. Sondyqtan kelissózder barysynda Kantsler hanymǵa birneshe naqty usynystarymdy jetkizdim», – dep jaýap berdi Qazaqstan Prezıdenti.

Memleket basshysyna dýaldi bilim berý salasyna qatysty ekijaqty yntymaqtastyqtyń qazirgi jaǵdaıy men perspektıvasyna baılanysty da suraq qoıyldy.

«Dýaldi bilim berý júıesinde nemis tájirıbesin qoldanyp kelemiz. Aldaǵy ýaqytta bilim berý salasynda yntymaqtastyqty jalǵastyra beremiz», – dedi Prezıdent.

Germanııa Federatıvtik Respýblıkasynyń Kantsleri Angela Merkel Qazaqstanmen arada berik yntymaqtastyqtyń ornaǵanyn, Elbasy Nursultan Nazarbaevpen ózara túsinistikte jumys istegenin atap ótip, Qasym-Jomart Toqaevtyń eki el arasyndaǵy yqpaldastyqty jańa deńgeıge kóteretinine senim bildirdi, sondaı-aq búgingi kelissózderdiń nátıjeli ótkenin aıtty.

Bizdiń kanalymyzǵa jazylyńyz:

Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Janat Qapalbaeva
Janat Qapalbaeva
954-059
REDAKTOR
Altynbek Kýmarzak
Altynbek Kýmarzak
954-059

MURAǴAT