Germanııadaǵy oıyn-saýyq saıabaǵynda ondaǵan adam jaraqattandy
2022 jylǵy 12 tamyz 20:22

Germanııadaǵy oıyn-saýyq saıabaǵynda ondaǵan adam jaraqattandy

BERLIN. QazAqparat – Germanııadaǵy oıyn-saýyq saıabaǵynda attraktsıonǵa otyrǵan ondaǵan adam jaraqattandy, olardyń biriniń jaǵdaıy aýyr, dep habarlaıdy QazAqparat tilshisi ABC News-ke silteme jasap.

Oqıǵa Bavarııanyń Gıýntsbýrg qalasyndaǵy Legoland saıabaǵynda bolǵan. Demalýshylar «Amerıkalyq tóbeshikte» apatqa ushyrady. Bir poıyz toqtaǵan, artynan kele jatqan ekinshisi tolyq tejelmeı, oǵan soǵylǵan.

Oqıǵa saldarynan 31 adam zardap shekti, onyń ishinde bireýi aýyr jaraqat aldy. 16 adam aýrýhanaǵa jetkizildi. Taǵy 15 adam aýrýhanaǵa jatýdan bas tartty. Dárigerler olardy sol jerde tekserip, úılerine jiberdi. Zardap shekkender arasynda 10 bala, bir jasóspirim jáne 20 eresek adam bar. Eki poıyzda barlyǵy 38 adam bolǵan.

Polıtsııanyń habarlaýynsha, oqıǵa ornyna saqtyq sharasy retinde úsh qutqarý tikushaǵy jetti, biraq olardy jumyldyrý qajet etilgen joq.

Attraktsıon tergeý jumystaryn júrgizý maqsatynda jabyldy.

Resmı tulǵalardyń aıtýynsha, ótken aptada nemistiń Klotti Park oıyn-saýyq saıabaǵyndaǵy «Amerıkalyq tóbeshikten» qulaǵan bir adam qaıtys bolǵan.


Foto: abcnews.go.com

Seriktester jańalyqtary

Jańalyqtar

Úrdis

MURAǴAT