Germanııada joǵalǵan bala segiz kúnnen keıin káriz qubyrynan tiri tabyldy
2022 jylǵy 29 maýsym 11:21

Germanııada joǵalǵan bala segiz kúnnen keıin káriz qubyrynan tiri tabyldy

OLЬDENBÝRG. QazAqparat – Germanııada iz-túzsiz joǵalǵan bala káriz júıesinde bir aptadan astam jatyp, tiri tabyldy, dep habarlaıdy QazAqparat BBC News basylymyna silteme jasap.

Germanııanyń Oldenbýrg qalasynda 17 maýsym kúni Djo esimdi segiz jasar bala úıiniń baqshasynda júrip, joǵalyp ketken. Bala senbi kúni tańerteń tabylǵan. Onyń aıqaılaǵan daýysyn jolda ketip bara jatqan adam kárizdiń lıýginen estip qalǵan.

Órt sóndirýshiler balany úıinen 300 metr jerdegi káriz qudyǵynan shyǵaryp alǵan. Zardap shegýshi qatty tońyp qalǵan, ol aýrýhanaǵa jetkizildi. Biraq, aıtarlyqtaı jaraqat almaǵan.

Senbi kúni quqyq qorǵaý organdary balanyń káriz júıesine kirip, ishinde adasyp ketkenin málimdedi.

Onyń ata-anasy jergilikti BAQ-qa balasynyń densaýlyǵy jaqsy ekenin habarlady.


Uqsas jańalyqtar

Jańalyqtar

Úrdis

MURAǴAT