Germanııada ınflıatsııa 10 paıyzǵa jetti

2022 jylǵy 1 qazan, 18:48
Germanııada ınflıatsııa 10 paıyzǵa jetti

BRıÝSSELЬ. QazAqparat – Qyrkúıek aıynda Germanııada ınflıatsııa rekordtyq 10%-ǵa jetti, dep habarlaıdy QazAqparat.

Bul rette jetekshi ekonomıkalyq saraptama ortalyqtary Germanııa ekonomıkasy retsessııaǵa túsedi dep esepteıdi.

Joǵary energııa men azyq-túlik baǵasynyń qysymynan Germanııada qyrkúıekte ınflıatsııa 10%-ǵa deıin ósti. Aǵymdaǵy jyldyń tamyz aıynda bul kórsetkish 7,9 paıyzdy qurady.

Destatis federaldy statıstıkalyq keńsesiniń málimetinshe, 2022 jyldyń qyrkúıeginde energııa baǵasy ótken jyldyń sáıkes aıymen salystyrǵanda 43,9% joǵary boldy.

Statıstıka basqarmasy jaǵdaıdy janarmaıǵa sýbsıdııalaýdyń toqtatylýy jáne 9 eýro kóleminde jeńildetilgen qoǵamdyq kólik bıletiniń berilmeýi qıyndatqanyn atap ótti.

Germanııa kantsleri Olaf Sholts beısenbi kúni energetıkalyq daǵdarysqa baılanysty 150-200 mlrd eýro kóleminde kómek kórsetý josparyn jarııalady.

«Germanııa úkimeti baǵanyń tómendeýi úshin bárin jasaıdy», - dedi O.Sholts baspasóz máslıhatynda.

Analıtıkalyq ortalyqtardyń boljamynsha, gaz naryǵyndaǵy daǵdarys, energııa baǵasynyń tez ósýi jáne satyp alýdyń aıtarlyqtaı tómendeýi Germanııa ekonomıkasyn retsessııaǵa ıtermeleıdi, dep jazady jergilikti BAQ.

RWI taldaý ortalyǵynyń ekonomıkalyq zertteýler bóliminiń basshysy Torsten Shmıdtiń aıtýynsha, energııanyń joǵary quny Germanııany retsessııaǵa ıtermeleıtin jetekshi faktor boldy.

Shmıdt BAQ brıfınginde Eýropanyń eń iri ekonomıkasy 2022 jyldyń ekinshi jartysynda qysqaratynyn aıtty.

Jahandyq COVID-19 pandemııasynan tolyq qalpyna kelmeýi – Germanııanyń ekonomıkalyq bolashaǵyna áser etetin faktorlardyń biri.


Tegı:
Uqsas jańalyqtar
Seriktester jańalyqtary

Jańalyqtar

https://www.inform.kz/qz/germaniyada-inflyaciya-10-payyzga-zhetti_a3985699
https://www.inform.kz/qz/germaniyada-inflyaciya-10-payyzga-zhetti_a3985699