Germanııa ýnıversıtetinde stýdent qarýdan oq jaýdyra bastaǵan
2022 jylǵy 25 qańtar 08:32

Germanııa ýnıversıtetinde stýdent qarýdan oq jaýdyra bastaǵan

BERLIN. QazAqparat – Germanııa kantsleri Olaf Sholts Geıdelberg ýnıversıtetinde bolǵan qarýly shabýylǵa baılanysty kóńil aıtty. Bilim ordasy Germanııanyń ońtústik-batysyndaǵy Baden-Vıýrtemberg federaldy jerinde ornalasqan, dep habarlaıdy QazAqparat euronews.com saıtyna silteme jasap.

Saldarynan stýdent qyz qaza taýyp, úsh adam aýyr jaraqat aldy. Qaskúnem dáris zalynda stýdentterge oq jaýdyryp, artynsha óz-ózine qol salǵan.

Oqý ornyna jaqyn aýmaq qorshaýǵa alyndy. Aldyn ala derekter boıynsha, oq ashqan adam stýdent bolǵan. Ol ózimen birge uzyn uńǵyly birneshe atys qarýyn alyp kelgen. Oqıǵa ornynda quqyq qorǵaý organdarynyń qyzmetkerleri jumys istep jatyr.

Polıtsııanyń habarlaýynsha, qylmysker jalǵyz áreket etken. Mamandar ázirge bul isten saıası nemese dinı negiz kórip turǵan joq.


Jańalyqtar

MURAǴAT