+7 (701) 759 90 19
USD 427.91 EUR 506.9
RUB 5.6 CNY 64.17
Jańalyqtar

Germanııa kásipkerleriniń delegatsııasy Jambyl oblysyna barady

2020 jylǵy 17 qyrkúıek 17:04
Bólisińiz:
Germanııa kásipkerleriniń delegatsııasy Jambyl oblysyna barady

TARAZ. QazAqparat – Jambyl oblysynyń ákimi Berdibek Saparbaev Almaty qalasyndaǵy Germanııa Federatıvtik Respýblıkasynyń Bas konsýly Krıstıana Markertpen kezdesti. Júzdesý barysynda aýyl sharýashylyǵy salasyndaǵy yntymaqtastyq máseleleri talqylandy, dep habarlaıdy QazAqparat tilshisi.

Krıstıana Markert Qazaqstanda ótken jyldyń qarasha aıynan bastap jumys isteýde. Bas konsýldyń Jambyl oblysyna sapary birneshe aı buryn josparlanǵan, biraq indet oǵan jol bermedi. Onyń aıtýynsha, sońǵy bes - jeti jyl ishinde Germanııanyń Bas konsýldyǵynyń birde-bir ókili Jambyl óńirine kelmepti.

«Maǵan Taraz qatty unady. Jambyl oblysynyń nemister qoǵamymen tanysý erekshe áser etti. Nemisterdiń ózderin Qazaqstanda qalaı erkin sezinetindigi, ana tilinde sóılep, mádenıetin saqtaı alatyndyǵy meni qýantty», - dep atap ótti Bas konsýl.

Oblys ákimi Germanııa men Jambyl kásipkerleriniń jemisti yntymaqtastyǵyn atap ótti.

«Óńirler bizdiń elderimizdiń arasyndaǵy yntymaqtastyqty damytýǵa eleýli úles qosýda. Ásirese, ekonomıka, ınvestıtsııalar tartý salalarynda. Búginde bizdiń oblysta Germanııanyń eki kompanııasy jumys isteýde. «Monterro Qazaqstan« JShS qymbat metaldardy óndirýmen aınalysady. Investıtsııa kólemi – 600 mıllıon eýro. Kompanııa oblys aýmaǵynda 2014 jyldan bastap jumys isteıdi. Alaıda ázirge qujattarǵa qatysty jumystarda birshama qıyndyqtar týyndaýda. Bul boıynsha men Qazaqstandaǵy Germanııa Elshisine tıisti qujattamany resimdeý boıynsha kómek surap júgindim. Taǵy bir nemis kompanııasy bıogaz qondyrǵylarymen aınalysýda», - dedi oblys ákimi.


Krıstıane Markert kóptegen elderdiń ekonomıkasyna aıtarlyqtaı soqqy bolǵan pandemııanyń aımaq ekonomıkasyna qalaı áser etkenin surady.

Berdibek Saparbaevtyń sózinshe, koronavıýrýs indeti aıtarlyqtaı zalal ákelmegen.

«Pandemııaǵa qaramastan ekonomıka ósimi ótken jylmen salystyrǵanda 100,5 protsentke qamtyldy. Jumys oryndaryn jappaı qysqartý, jalaqyny keshiktirý derekteri bolǵan joq»,- dep atap ótti aımaq basshysy.

Ekonomıkalyq áriptestikke qatysty aıtar bolsaq, keler jyldyń naýryz-sáýir aılarynda Jambyl oblysyna Germanııa Bas konsýldyǵynyń ekonomıkalyq delegatsııasy kelýdi josparlap otyr.

«Men Bavarııada týyp, óstim. Ol jaqtaǵy kásipkerler de bıyl qazan aıynda Qazaqstanǵa kelmek boldy. Biraq pandemııa jospardy buzdy. Aıta keterligi, bavarııalyq delegatsııa aýyl sharýashylyǵy salasyna basymdyq berýde. Meniń bilýimshe, Qazaqstan agrarlyq salanyń damýyna kóp qarajat qarastyrmaqshy», - deıdi K. Markert.

Óz kezeginde oblys ákimi Bavarııa kásipkerlerimen ornatylǵan áriptestik qatynastyń bolashaǵy zor bolaryna úmitti ekenin jasyrmady.

«Men Bavarııada jumys saparymen bolǵanmyn. Ol jaqta myqty ǵylymı-zertteý ınstıtýttary bar. Olarmen baılanys ornatsaq, jaqsy bolar edi. Bizdiń óńirge qyzyǵýshylyq tanytyp otyrǵany qýantady. Ózara áriptestik qos tarapqa da paıdaly ekeni daýsyz. Aýyl sharýashylyǵy salasynda tuqym, tehnıka men ónimdi qaıta óńdeý baǵytynda jumys atqarýǵa bolady. Germanııaǵa tájirıbe almasý úshin bizdiń mamandardy jibergen jaqsy bolar edi»,- degen pikirin bildirdi Berdibek Saparbaev.

Sondaı-aq, aımaq basshysy óńirimizdiń nemis kásipkerlerimen balamaly energııa kózderi salasynda áriptestik ornatýǵa múddeli ekenin atap ótti.


Bizdiń kanalymyzǵa jazylyńyz:

Bólisińiz:

Avtor:

Saıa Sembaı

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Erbol Janat
Erbol Janat
954-059
REDAKTOR
Janıbek Amangeldı
Janıbek Amangeldı
954-059

MURAǴAT