Gennadıı Golovkın japonııalyq qarsylasyn jeńdi
2022 jylǵy 9 sáýir 18:32

Gennadıı Golovkın japonııalyq qarsylasyn jeńdi

NUR-SULTAN. QazAqparat – Qazaqstandyq kásipqoı boksshy Gennadıı Golovkın (41-1-1, 36 KO) Japonııanyń Saıtama qalasynda ótken kásipqoı boks keshinde sharshy alań ıesi Rıota Mýratany (16-2, 13 KO) 9 raýndta nokaýtqa jiberdi, dep habarlaıdy QazAqparat tilshisi.

Jekpe-jek 12 raýndqa eseptelgen bolatyn, alaıda ol merziminen buryn aıaqtaldy.

Gennadıı Golovkın bul jeńisiniń arqasynda WBA Super, IBF jáne IBO nusqalary boıynsha chempıondyq tıtýldardyń ıesi atanyp otyr.

Kásipqoı boks keshin «Qazaqstan» jáne «Qazsport» telearnalary tikeleı efırde kórsetti. Onlaın rejımdegiler úshin qazaqstantv jáne qazsporttv.kz saıty men «Qazaqstan.tv» mobıldi qosymshasy arqyly da kórsetiledi.

Total Sport saıty buǵan deıin Gennadıı Golovkın bul keshtegi jekpe-jek úshin 5 mln dollar kóleminde kepildendirilgen gonorar jáne oǵan qosa PPV-diń 70% úlesin alatynyn jazdy. Bul shamamen 12-15 mln dollar.

Eske salsaq, keshe «GGG» 40 jasqa toldy. Osyǵan oraı Prezıdent Qasym-Jomart Toqaev Gennadıı Golovkındi týǵan kúnimen quttyqtady .


Uqsas jańalyqtar
Seriktester jańalyqtary

Jańalyqtar

Úrdis

MURAǴAT