+7 (701) 759 90 19
USD 427.15 EUR 519.12
RUB 5.96 CNY 66.84
Jańalyqtar

Gennadıı Golovkın qazaqstandyqtardy Naýryz meıramymen quttyqtady

2021 jylǵy 23 naýryz 02:18
Bólisińiz:
Gennadıı Golovkın qazaqstandyqtardy Naýryz meıramymen quttyqtady

NUR-SULTAN. QazAqparat –Boksshy Gennadıı Golovkın qazaqstandyqtardy Naýryz meıramymen quttyqtady, dep habarlaıdy QazAqparat.

«Naýryz meıramy qutty bolsyn!! Densaýlyq, amandyq tileımin!! Aq mol bolsyn!! Ýaıym-qaıǵy joq bolsyn!», - dep jazdy qazaq tilinde boksshy Instagram-daǵy paraqshasynda.

Sondaı-aq Golovkın bul postqa óziniń shapan kıip túsken fotosyn qosa salǵan. Sýrette qazaq jáne orys tilderinde «Dástúr. Búgin. Árqashan» dep jazylǵan.

Aıta keteıik, G.Golovkın bıylǵy mamyr aıynda jekpe-jek ótkizetini josparlanǵan. Áýelde onyń qarsylasy retinde meksıkalyq boksshy Haıme Mýngııa (36-0, 29 KO) aıtylǵan edi. Alaıda, naýryz aıynyń ortasynda H.Mýngııanyń promoýteri Fernando Beltran qazaqstandyq Gennadıı Golovkın (41-1-1, 36 KO) ázirge óz klıentimen kúreskisi kelmeıtinin málim etti.

Beltrannyń aıtýynsha, Golovkın WBA Super nusqasy boıynsha orta salmaqtaǵy álem chempıony – japon boksshysy Rıota Mýrataǵa (16-2, 13 KO) qarsy jekpe-jek ótkizýdi josparlap otyr. «Golovkın japon boksshysyn qarsylasy etip tańdady. Ol – chempıon, sondyqtan bunyń da róli zor. Onyń tańdaýyn qurmetteımin», – dedi Beltran.

Rıota Mýrata WBA Super nusqasy boıynsha orta salmaqta álem chempıony bolsa, Golovkın – IBF jáne IBO belbeýleriniń ıegeri. Sonymen qatar, osy jyldyń qyrkúıeginde ótýi múmkin Gennadıı Golovkın - Saýl «Kanelo» Alvares trılogııasy týraly áńgime basylar emes.




Bizdiń kanalymyzǵa jazylyńyz:

Bólisińiz:

Avtor:

Mıra Tólendiqyzy

Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Erbol Janat
Erbol Janat
954-059
REDAKTOR
Aıdar Ospanalıev
Aıdar Ospanalıev
954-059
REDAKTOR
Janat Qapalbaeva
Janat Qapalbaeva
954-059

MURAǴAT