+7 (701) 759 90 19
USD 425.07 EUR 494.14
RUB 6.06 CNY 66.55
Jańalyqtar

Gazdandyrý qaladan shyǵatyn qaldyq kólemin 40 myń tonnaǵa deıin azaıtady – Elorda ákimdigi

2021 jylǵy 23 qyrkúıek 19:11
Bólisińiz:
Gazdandyrý qaladan shyǵatyn qaldyq kólemin 40 myń tonnaǵa deıin azaıtady – Elorda ákimdigi

NUR-SULTAN. QazAqparat – Búginde elordany gazdandyrý jumysy qarqyndy júrip jatyr jáne astanalyqtardy kógildir otynmen qamtý jospar boıynsha birneshe kezeńnen turady, dep habarlaıdy QazAqparat tilshisi.

Uqsas jańalyqtar
Qyzylordada taǵy bir aýyl tabıǵı gaz qubyryna qosyldy Dızel tapshylyǵy: Atyraý MÓZ-degi jóndeý jumystary kelesi jylǵa aýystyryldy

Taǵy bir jaıt mamandardyń málimdeýinshe, Nur-Sultan qalasyn gazǵa qosý, shahardan jyl saıyn shyǵatyn qaldyqtardyń kólemin 40 myń tonnaǵa deıin azaıtýǵa múmkindik beredi eken. Bul týraly qalalyq Otyn-energetıkalyq kesheni jáne kommýnaldyq sharýashylyq basqarmasynyń basshysy Tólegen Qulushev málim etti

«Elordaǵa gaz tartý jobasy úsh kezeńge bólingen. Gaz qurylysynyń alǵashqy kezeńi 2019 jyldyń kúzinde bastalyp, ol 9 iske qosý kesheninen turdy. Búginde ekinshi jáne úshinshi kezeń boıynsha jobalaý jumystary júrip jatyr. Onyń oryndalý merzimi bıyl bastalyp, 2023 jylǵa deıin sozylady. Sol sııaqty ol respýblıkalyq jáne jergilikti bıýdjet esebinen qarjylandyrylady. Odan bólek, gaz tartý jumysyna jeke ınvestorlardy da tartý qaralyp jatyr. Qazirgi ýaqytta 1-shi, 2-shi, 3-shi, 4-shi jáne 7-shi gaz keshenderin iske qosý jumystary aıaqtaldy», - dedi Tólegen Qulushev elorda máslıhatynyń turaqty komıssııa otyrysynda jasaǵan baıandamasynda.

Onyń aıtýynsha, búginde elorda irgesindegi «Jeleznodorojnyı», «Kóktal-1», «Kóktal-2» turǵyn úı alaptary men Agroqalashyq shaǵyn aýdanynyń bir bóligi kógildir otynǵa qosylǵan.

«Halyqty gazben qamtý jumysy kezeń-kezeń boıynsha júrip jatyr. Sondaı-aq, ótken jyly qaladaǵy JEO-1 jáne JEO-2-da gaz berildi. Bıyl qarashaǵa deıin 5-shi,8-shi jáne 9-shy gaz keshenderi iske qosylady. Sol sııaqty 2020 jyldan bastap JEO-2-de bir qazandyq, JEO-1-de úsh qazandyq gazben qamtamasyz etilse, bıyl JEO-2-de bes qazandyq, JEO-1-de tórt qazandyq gazǵa kóshiriledi. Odan bólek, qala boıynsha 19 áleýmettik nysandy gazǵa kóshirý jumysy júrgizilýde. Elorda men onyń irgesindegi turǵyn úı alaptaryn gazdandyrý qaladan shyǵatyn qaldyqtardyń kólemin 40 myń tonnaǵa deıin azaıtýǵa múmkindik beredi. Sonymen qatar búginde jurttyń kópshiligi gaz ballondaryn paıdalanyp otyr, osy oraıda tabıǵı gaz oryn alýy múmkin tótenshe jaǵdaılardyń týyndaý táýekelin barynsha azaıtady», - deıdi ol.


Bizdiń kanalymyzǵa jazylyńyz:

Bólisińiz:

Avtor:

Álı Ibraev

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER

MURAǴAT