+7 (701) 759 90 19
USD 418.67 EUR 507.64
RUB 5.71 CNY 64.74
Jańalyqtar

Gaz ballondarynan tolyqtaı bas tartý ázir múmkin emes – mınıstr

2020 jylǵy 24 qarasha 19:16
Bólisińiz:
Gaz ballondarynan tolyqtaı bas tartý ázir múmkin emes – mınıstr

NUR-SULTAN. QazAqparat – Gaz ballondarynan tolyqtaı bas tartý ázir múmkin emes. Bul týraly QR Energetıka mınıstri Nurlan Noǵaev málim etti, dep habarlaıdy QazAqparat tilshisi.

Ortalyq kommýnıkatsııalar qyzmetindegi baspasóz máslıhatynda qaı jyldan bastap Qazaqstan gaz ballondaryn paıdalanýdan bas tartatyndyǵy suraldy.

«Jarylý qaýpi bar gaz ballondarynan tolyqtaı bas tartý múmkin bolmaıdy. Sebebi shalǵaıda ornalasqan aýyldarda, keıbir kásiporyndar áli de osy gazdy paıdalanyp keledi. Osy suraq astarynda jaqynda Nur-Sultan qalasyndaǵy qaıǵyly oqıǵa atalyp otyrǵan shyǵar. Bul jaǵdaıǵa baılanysty qaza bolǵan adamnyń jaqyndaryna kóńil aıtamyn», - dedi mınıstr.

Osy oraıda N. Noǵaev gaz jabdyqtaryna qatysty kez kelgen jumys qaýipti ekenin atap ótti.

«Bul baǵyttaǵy jabdyqtar kúrdeli tehnıkalyq quraldar bolyp sanalady jáne onda joǵary qysym bolady. Sondyqtan gazdy paıdalanýǵa qatysty kez kelgen tehnıkalyq jabdyqty iske qosý úlken jaýapkershilikti talap etedi», - dedi mınıstr.

Eske sala keteıik, 21 qarashada elordada dámhanalardyń birinde gaz ballony jarylyp, 1 adam qaza tapty.

Elorda aýrýhanalarynda 23 adam emdelip jatqany habarlanǵan bolatyn.


Bizdiń kanalymyzǵa jazylyńyz:

Bólisińiz:

Avtor:

Rýslan Ǵabbasov

Pikir qaldyrý
+7
Jiberý
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Erbol Janat
Erbol Janat
954-059

MURAǴAT