+7 (701) 759 90 19
USD 430.51 EUR 505.72
RUB 5.51 CNY 64.14
Jańalyqtar

Ǵaısaǵalı Seıtaq: «QazAqparat» redaktsııasynyń alǵashqy ǵımaratyn taýyp, eskertkish taqta ornatý kerek

2020 jylǵy 26 qyrkúıek 14:45
Bólisińiz:
Ǵaısaǵalı Seıtaq: «QazAqparat» redaktsııasynyń alǵashqy ǵımaratyn taýyp, eskertkish taqta ornatý kerek

NUR-SULTAN. QazAqparat - Bıyl «QazAqparat» halyqaralyq aqparat agenttiginiń qurylǵanyna 100 jyl toldy. Osy oraıda agenttikte uzaq jyldar boıy qyzmet etip júrgen óz isiniń naǵyz kásibı mamandary jaıynda materıaldar toptamasy jarııalanyp keledi. Búgin biz Qazaqstan Jazýshylar jáne Jýrnalıster odaqtarynyń múshesi, 20 jyl boıy «QazAqparat» halyqaralyq aqparat agenttiginiń BQO boıynsha óńirlik tilshisi qyzmetin atqaryp kele jatqan Ǵaısaǵalı Seıtaq aǵamyzdan suhbat aldyq.

- Ǵaısaǵalı aǵa, «QazAqparat» halyqaralyq aqparat agenttiginiń BQO boıynsha óńirlik tilshisi bolyp kele jatqanyńyzǵa 20 jyl bolypty. Bul ujymǵa alǵash jumysqa ornalasqan kezińiz esińizde me?

- Men «Jaıyq Press» JShS bas dırektorynyń birinshi orynbasary qyzmetin atqaramyn. Baspasóz salasynda 40 jyl eńbek etsem, sonyń 20 jylynda «QazAqparat» halyqaralyq aqparat agenttiginiń BQO boıynsha óńirlik tilshisi bolyp kelemin. Іnim Aıbatyr Seıtaq ta – aqyn, jýrnalıst. Ózi elordada turady. Ol da kezinde QazAqparatta jumys istegen. 2000 jyldyń jazynda men elordaǵa bardym. Іnimniń aıtýymen QazAqparattyń sol kezdegi qazaq redaktsııasynyń bas redaktory, belgili qalamger Jarylǵap Beısenbaıulymen tanysýǵa barǵanmyn. Ol kisi tilshi bolýǵa usynys jasap, maǵan tapsyrmalar berdi. Sóıtip 2000 jyldyń 1 qyrkúıeginen bastap jumysqa kirisip kettim.

- Alǵashqy jumys kúnderi qalaı ótti? Óńirlik tilshi retinde jáne saıttaǵy alǵashqy jumys tájirıbeńiz bolǵandyqtan, este qalǵan qyzyqty jaǵdaılar kóp shyǵar.

- 20 jylda biraz basshy aýysty. Men jumysqa ornalasqan jyly jaǵdaı qıyndaý boldy. Baılanys quraldary da qazirgi kezdegideı damyp turǵan kez emes edi. Biz aqparatty elordaǵa faks arqyly jiberetinbiz. Ol kezde barlyq óńirdegi tilshilerdiń jumysyn Qalamqas Áskerqyzy úılestirip otyrdy. Ol aqparattyń basqa saıttardan keshikpeı shyǵýyn, jedel berýin qadaǵalap otyratyn.


- Alǵashqy jalaqyńyz esińizde me? Ony nege jumsadyńyz?

- Bastapqy birneshe aıda tegin, keıin qalamaqyǵa jumys istedim. Alǵashqy jalaqymdy nege jumsaǵanymdy umytyp qalyppyn. Ol kezde biz jalaqy, onyń mólsheri týraly oılamaıtynbyz. Bar oıymyz – berilgen tapsyrmany ýaqtyly, tııanaqty etip ótkizip otyrý boldy. Meniń aldymda osy oblystan talaptanyp kórgen tilshiniń kúnine 3-4 aqparat taýyp jazý qıyn ekenin aıtyp, jumystan shyqqany týraly estigenmin. Qazirgi ýaqytta biz kún saıyn eń kemi 3-4 aqparat, eń kóbi 8-9 aqparat ótkizemiz.

- Gazet pen saıtta jumys isteýdiń qandaı aıyrmashylyq, ereksheligin baıqadyńyz? 20 jylda sizderge qoıylatyn talap ta ózgerip otyrǵan shyǵar?

- Bastapqyda biz tek kúndiz jumys isteıtinbiz. Qazirgi ýaqytta táýliktiń kez kelgen mezgilinde aqparat berip úırendik. Aqparatty oqıǵa ornynan birden jiberýge tyrysamyz. Mysaly, 2-3 jyl buryn avtobýspen kele jatqan kezde jol apatyna ushyradyq. Ózim de jaraqat aldym, soǵan qaramastan oqıǵa ornynan jańalyq jazyp, WhatsApp arqyly jedel túrde jiberdim. Óńirlik tilshi bolǵandyqtan, óz aımaǵyń boıynsha barlyq jańalyq, oqıǵadan habardar bolýǵa tıistimiz. Aqparatty barynsha qysqa, nusqa, túsinikti etip berýimiz kerek.

- Siz kóbinese qandaı taqyrypta qalam tartyp júrsiz? Siz jazǵan aqparat, maqala arqyly qandaıda bir máseleler sheshimin tapqan jaǵdaılar boldy ma?

- Men suhbat ta, saraptama da, aqparat ta jazamyn. Meni oblystyq deńgeıdegi máseleler týraly jazýdy ǵana emes, jalpy sport taqyrybynda jazǵan da qyzyqtyrady. Ózim sportqa jaqynmyn. Bos ýaqytymda voleıbolmen aınalysamyn. Fýtbol, hokkeı, tennıs týraly tikeleı efırlerdi qarap, birden aqparat berip otyramyn. 2015 jyldyń qorytyndysy boıynsha sport jýrnalısteri arasynda QR Mádenıet jáne sport mınıstrligi taǵaıyndaǵan S.Berdiqul atyndaǵy syılyqtyń laýreaty atandym.

- 100 jyldyq mereıtoıǵa oraı qandaı tilek aıtasyz?

- Byltyr «Egemen Qazaqstannyń» 100 jyldyq mereıtoıyna oraı jumys saparymen Orynbor qalasyna bardyq. Ondaǵy basty maqsat «Egemen Qazaqstan» redaktsııasy ornalasqan ǵımaratqa eskertkish taqta qoıý edi. Shyn mánisinde QazAqparattyń ROSTA-nyń Orynbor-Torǵaı bólimshesi retinde 1920 jyldyń tamyzynda ashylǵany belgili. Demek, bizdiń agenttik te Orynborda ornalasyp, jumys istedi degen sóz. Qazaq AKSR Ortalyq atqarý komıteti, basqa da mekemeler oryn tepken tarıhı úıler áli kúnge deıin saqtalǵan. Basshymyzdyń tapsyrmasyna oraı biz tildesip kórgen orynborlyq azamattar Orynbor-Torǵaı bólimshesiniń sol Ortalyq atqarý komıtetiniń ǵımaratynda ornalasqan bolýy múmkin ekendigi jóninde boljam aıtty. Muny naqty anyqtaý úshin arhıvterdi qoparyp, 1920 jyldan bastap shyqqan gazet tigindilerin ashyp qarap, tarıhshylarmen sóılesý kerek. Bolashaqta sol ǵımaratty anyqtap, úkimetaralyq kelisim nátıjesinde eskertkish taqta ornatýǵa bolady dep oılaımyn.

QazAqparat ujymyn 100 jyldyq mereıtoımen quttyqtaı otyryp, sózimdi myna óleń shýmaǵymen túıindegim keledi.

Tilshi bolsań, jaz kúnde, jaz aptalap,

Halyqqa da keregi – taza aqparat.

Tabysyńdy el kórsin, álem bilsin,

Shabysyńnan jańylma, QazAqparat!

- Suhbatyńyzǵa úshin rahmet.

... Ǵaısaǵalı Seıtaq – 1958 jyly shildeniń 1-inde Batys Qazaqstan oblysy Bókeı ordasy aýdany Han ordasy aýylynda dúnıege kelgen. 1976 jyly qazirgi Jáńgir han atyndaǵy Orda orta mektebin, 1980 jyly A.Pýshkın atyndaǵy Oral pedagogıkalyq ınstıtýtyn (qazirgi M.Ótemisuly atyndaǵy BQMÝ) qazaq tili men ádebıeti mamandyǵy boıynsha bitirgen.

1980-1982 jyldary Tasqala aýdandyq «Ekpin» gazetinde tilshi, bólim meńgerýshisi boldy. 1982 jyldan oblystyq «Oral óńiri» gazetinde tilshilikten bas redaktorlyqqa deıingi joldan ótti. Qazirgi kezde «Jaıyq Press» JShS bas dırektorynyń birinshi orynbasary qyzmetin atqarady. Sonymen qatar 2000 jyldan beri «QazAqparat» halyqaralyq aqparat agenttiginiń BQO boıynsha óńirlik tilshisi qyzmetin qosa atqaryp keledi.

1987 jyldyń qorytyndysy boıynsha respýblıkalyq «Jalyn» jýrnaly belgilegen Tólegen Aıbergenov atyndaǵy syılyqtyń laýreaty (1988). Q.Myrzalıev atyndaǵy múshaıranyń bas júldegeri (1995). Qazaq radıosy uıymdastyrǵan «Qazaqstanym – qara shańyraǵym» (1998) jáne oblystyq «Oral óńiri» gazetiniń 90 jyldyǵyna oraı ótkizilgen «Jaıyq jyrlaıdy» respýblıkalyq jyr múshaıralarynyń júldegeri (2008).

Segiz jyr kitabynyń avtory.

«Qazaqstan táýelsizdigine – 10 jyl» (2001) jáne «Astanaǵa – 10 jyl» (2008), «Astana – 20 jyl» (2018) merekelik medaliniń, «QazAqparat» halyqaralyq aqparat agenttigi «Úzdik menshikti tilshi» atalymynyń (2008), «Іshki áskerler qyzmetiniń úzdigi» tósbelgisiniń ıegeri. «Qazaq handyǵyna 550 jyl» medalimen, QR Mádenıet jáne aqparat mınıstrligi Aqparat jáne muraǵat komıtetiniń qurmet gramotasymen (2008), QR Tótenshe jaǵdaılar mınıstriniń (2014) jáne oblys ákiminiń alǵys hattarymen (2008, 2015) marapattalǵan. «Eren eńbegi úshin» medaliniń ıegeri (2016).

BQO tilderdi damytý basqarmasy «Memlekettik til – meniń tilim» baıqaýynyń bas júldegeri (2014), QR Mádenıet jáne sport mınıstrligi «Memlekettik til jáne BAQ» respýblıkalyq baıqaýynyń júldegeri (2015), sport jýrnalısteri arasynda 2015 jyldyń qorytyndysy boıynsha QR Mádenıet jáne sport mınıstrliginiń S.Berdiqul atyndaǵy syılyǵynyń laýreaty (2016).


Bizdiń kanalymyzǵa jazylyńyz:

Bólisińiz:

Avtor:

Zarına Qaharman

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Erbol Janat
Erbol Janat
954-059

MURAǴAT