+7 (701) 759 90 19
USD 425.73 EUR 498.32
RUB 5.8 CNY 65.85
Jańalyqtar

Ǵaryshtyq monıtorıng SQO-da 300-ge jýyq zańsyz qoqys polıgonyn anyqtady

2021 jylǵy 25 maýsym 15:51
Bólisińiz:
Ǵaryshtyq monıtorıng SQO-da 300-ge jýyq zańsyz qoqys polıgonyn anyqtady

PETROPAVL. QazAqparat – Soltústik Qazaqstan oblysy aýmaǵynda «Qazaqstan ǵarysh sapary» ulttyq kompanııasynyń fototúsirilimi nátıjesinde 272 zańsyz qoqys alańy anyqtaldy, dep habarlaıdy QazAqparat tilshisi.

SQO Ekologııa departamentiniń bastyǵy Azamat Bektasovtyń aıtýynsha, 38 jaǵdaıda qoqys alańdary berilgen aýmaqtan shyǵyp ketken. Zańsyz polıgondardyń jartysyna jýyǵy Qyzyljar aýdanynda anyqtaldy – 104, odan keıin eń kóp zańsyz qoqys alańdary Petropavl men Mamlıýt aýdanynda tabyldy.

«Departament aýdandardyń jáne Petropavl qalasy ákimderiniń atyna qaldyqtardy ruqsatsyz ornalastyrý ýchaskelerin joıý boıynsha jumysty tezarada bastaý qajettigi týraly hattar jiberdi. Olar atqarylǵan jumys týraly aqparatty apta saıyn usynýlary tıis», - deıdi Azamat Bektasov.

Qyzyljar aýdany Báıterek aýyly mańyndaǵy ruqsat etilmegen qoqys úıindisine qatysty ekologtar aýyl ákimine 30 myń teńge mólsherinde aıyppul saldy.

«Báıterek aýylynyń mańynda ornalasqan qoqys úıindisinde qaldyqtar jıi janady. Bul qorshaǵan ortaǵa áser etedi. Bul jaıynda áleýmettik jelilerde de turǵyndar tarapynan jıi shaǵymdar aıtylady. Osyǵan oraı bıyl Ekologııa departamenti «SQO Qyzyljar aýdany Beskól aýyldyq okrýgi ákiminiń apparaty» KMM jospardan tys tekserý júrgizdi», - deıdi departament basshysy.

Tekserý nátıjesi boıynsha ekologııalyq zańnamanyń buzylǵandyǵy anyqtaldy.

«Óndiris jáne tutyný qaldyqtaryn ruqsatsyz ornalastyrý, memlekettik ekologııalyq saraptamany mindetti júrgizý týraly zańnama talaptaryn oryndamaý – anyqtalǵan zań buzýshylyqtar boıynsha departament ákimshilik yqpal etý sharalaryn qabyldady jáne olardy joıý týraly nusqama berdi», - deıdi Azamat Bektasov.

Ekologııa departamenti SQO mamandandyrylǵan aýdanaralyq ekonomıkalyq sotyna Beskól aýyldyq okrýgi ákimdigin sotqa berip, qorshaǵan ortaǵa keltirilgen zalaldy tikeleı ádispen óteý týraly talap-aryz joldady. Sot departamenttiń talap aryzyn qanaǵattandyrdy, nátıjesinde «SQO Qyzyljar aýdany Beskól aýyldyq okrýgi ákiminiń apparaty» KMM qorshaǵan ortany qalpyna keltirý jónindegi is-sharalardy oryndaı otyryp, qorshaǵan ortaǵa keltirilgen zalaldy tikeleı ádispen óteýge mindetteldi.

Byltyr óńirde qoqys tógýdiń ruqsat etilmegen 583 orny anyqtaldy, taǵy 61-inde qoqys alańdary belgili aýmaqtan shyǵyp ketken. Atqarylǵan jumys nátıjesinde olardyń 87% joıyldy.


Bizdiń kanalymyzǵa jazylyńyz:

Bólisińiz:

Avtor:

Aqerke Dáýrenbekqyzy

Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Janıbek Amangeldı
Janıbek Amangeldı
954-059

MURAǴAT