+7 (701) 759 90 19
USD 428.68 EUR 507.21
RUB 5.57 CNY 64.2
Jańalyqtar

Ǵanı Qarasaev: Qazaqstan tarıhy ǵylymyn álemdik deńgeıde nasıhattaý - ýaqyt talaby

2020 jylǵy 6 qyrkúıek 12:44
Bólisińiz:
Ǵanı Qarasaev: Qazaqstan tarıhy ǵylymyn álemdik deńgeıde nasıhattaý - ýaqyt talaby

NUR-SULTAN. QazAqparat – Qazaqstan tarıhy ǵylymyn álemdik deńgeıde nasıhattaý - ýaqyt talaby. QR BǴM Ǵylym komıteti Memleket tarıhy ınstıtýtynyń bólim basshysy, bas ǵylymı qyzmetker, tarıh ǵylymdarynyń doktory Ǵanı Qarasaev osyndaı pikir bildirdi, dep habarlaıdy QazAqparat tilshisi.

«QR Prezıdenti Qasym-Jomart Toqaev 2020 jyldyń 1 qyrkúıegindegi «Jańa jaǵdaıdaǵy Qazaqstan: is-qımyl kezeńi» atty Qazaqstan halqyna Joldaýynda memleket, halqymyzdyń aldyndaǵy turǵan keleli mindetterdi kórsete kele elimizdegi ǵylymdy álemdik talap deńgeıinde damytýdyń mindetterin saralady. Óıtkeni, Qazaqstan ǵylymyn álemdik deńgeıge kóterý, ony dúnıejúzilik ǵylymnyń quramdas bólegine aınaldyrý ýaqyt talaby ekendigi belgili. Atalǵan maqsatty iske asyrýda basqa baǵyttarmen qatar Qazaqstan tarıhy ǵylymynda da birshama júıeli jumystar atqarylyp keledi. Solardyń ishindegi eń bastysy - Qazaqstan tarıhy ǵylymyn álemdik tarıhtyń quramdas bóligi etý isi basty nazarǵa ustalyp otyr. Sebebi, Qazaqstan tarıhy kórshiles aımaqtar, elder tarıhymen tyǵyz baılanysty ekendigi anyq. Sondyqtan da Otan tarıhynyń ár kezeńderin zertteýdi halyqaralyq deńgeıde iske asyrýdyń qajettigi aıqyndala túsedi», - dedi ol.

Onyń atap ótýinshe, bul talapty álem ǵalymdardyń tanysyp, talqylaýlaryna múmkindik jasaıtyn «Ckopýs» bazasyndaǵy sheteldik jýrnaldarǵa jarııalanǵan ǵylymı maqalalar arqyly iske asyra alamyz.

Osy maqsatty iske asyrýda QR BǴM ǴK Memleket tarıhy ınstıtýtynda sońǵy 3 jylǵa jýyq merzimde birshama jumystar atqarylǵan. Atap aıtqanda, Qazaqstannnyń qazirgi zaman tarıhyna arnalǵan 20-dan astam maqala aǵylshyn tilindegi 35 protsentılden joǵary «Ckopýs» bazasyndaǵy jýrnaldarda jarııalandy.

Olarǵa 20-dan artyq halyqaralyq deńgeıdegi joǵary pikirler tústi. 4 maqala avtorlary halyqaralyq 12 «Hırsh» belgisine ıe boldy.

«Qazirgi ýaqytta «Skopýs» bazasyndaǵy jýrnaldarǵa jarııalanatyn Qazaqstan Táýelsizdiginiń 30 jyldyǵyna arnalǵan memleketimizdiń syrtqy saıasatynyń baǵyttaryn zertteýge arnalǵan maqalalardyń taqyryptary men toptamasy belgilendi. Onyń altaýy jarııalandy. 4 maqala daıyndalyp, sheteldik joǵary reıtıngtik jýrnaldarǵa qabyldandy. Olardyń jarııalaný merzimi 2020 jyldyń 4 toqsanyna belgilenip otyr. Instıtýt ǵalymdary jaryqqa shyqqan ǵylymı kitaptarynyń dúnıejúzilik deńgeıdegi ǵylymı ortada talqylanýyna da nazar aýdaryp keledi. Atap aıtqanda, eki monografııa 2020 jyldyń mamyr-shilde aılarynda Máskeý qalasynda ótken halyqaralyq ǵylymı shyǵarmalar kórmesine qoıylyp, arnaýly dıplommen marapattaldy. Aldaǵy ýaqytta osyndaı monografııalardy sheteldik «Skopýs» bazasynda jarııalaý josparlanǵan», - dedi Ǵanı Qarasaev.



Foto: www.history-state.kz

Bizdiń kanalymyzǵa jazylyńyz:

Bólisińiz:

Avtor:

Marlan Jıembaı

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Kanat Tokabaev
Kanat Tokabaev
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT