Gandboldan Azııa chempıonaty: Qazaqstan quramasy taǵy da jeńiske jetti

ASTANA. QazAqparat - Japonııada áıelder arasynda ótip jatqan Azııa chempıonatynda Qazaqstan quramasy qatarynan úshinshi ret jeńiske jetti, dep habarlaıdy QazAqparat.

Japonııanyń Kýmamoto qalasynda gandboldan áıelder arasynda Azııa Chempıonatynyń toptyq raýndy jalǵasýda.  Aıta keterligi, qazaqstandyq gandbolshylar chempıonattyń alǵashqy - Avstralııamen ótken kezdesýinde 32:24 esebimen qarsylastan basym túsken bolatyn. Azııa chempıonatynda bizdiń komanda Japonııa, Avstralııa, Iran jáne Jańa Zelandııamen birge «A» tobyna túsken.

Ekinshi kezdesýde de ulttyq quramamyzdyń aıy ońynan týdy. Bizdiń qurama Avstralııadan keıin Iranmen sheberlik baıqasty. Bul oıynda qazaqstandyq gandbolshylar ózderin jaqsy qyrynan tanyta bildi. Qazaqstandyq gandbolshylar qarsylastaryn 41:26 esebimen tize búktirse, osy topta oıyn kórsetip jatqan A tobynda Japonııa Aýstralııany 37:18 esebimen jeńgen edi.

Osylaısha, eki qarsylasynan basym túsken komandamyz búgin Jańa Zelandııanyń qyzdarymen kezdesip, aıqyn eseppen utty. Esep - 51:14. Jeńis - qazaqstandyqtarda.

Japondyqtarǵa qarsy kezdesý 5 jeltoqsanda ótedi.