Gandboldan álem chempıonaty: Qazaqstan qyzdary Norvegııaǵa jol berdi
2021 jylǵy 4 jeltoqsan 08:16

Gandboldan álem chempıonaty: Qazaqstan qyzdary Norvegııaǵa jol berdi

NUR-SULTAN. QazAqparat - Búgin gandboldan álem chempıonatynda Qazaqstan qyzdar quramasy alǵashqy oıynyn Norvegııaǵa qarsy ótkizdi, dep habarlaıdy QazAqparat tilshisi.

Qazaqstan qyzdary S tobynda synǵa túsedi. Qarsylastary – Norvegııa, Rýmynııa jáne Iran quramalary.

Búgingi kezdesýde alǵashqy mınýttarda qazaqstandyq sportshylar qarsylasyna tótep bere bildi. Dese de odan keıin norvegııalyq gandbolshy qyzdardyń basymdyǵy baıqalyp turdy. Birinshi keezńde qazaqstandyq qyzdar qarsylasyna 10:24 esebimen jol berdi.

Ekinshi kezeńde de norvegııalyq qurama qarqyndy oınady. Nátıjesinde qazaqstandyqtar 18:4 esebimen jeńilip qaldy.

Endi Qazaqstan qyzdary 5 jeltoqsanda Rýmynııamen kezdesse, 7 jeltoqsanda Iranmen sheberlik baıqasady.

Sondaı-aq, búgin atalǵan topta Rýmynııa gandbolshylary Irandy 39:11 esebimen tize búktirdi.

Norvegııa - álemdegi úzdik quramanyń biri. Olımpıada oıyndarynda jáne álem chempıonatynda birneshe márte altyn, kúmis jáne qola medalǵa qol jetkizgen. Sondaı-aq, Eýropa chempıonatynda birneshe márte úzdik úshtikten kórindi.

Álem chempıonaty 1-19 jeltoqsan aralyǵynda Ispanııanyń Lırııa, Kastelon, Granolers, Torreveha qalalarynda ótkiziledi. Dúbirli dodada barlyǵy 32 qurama baq synaıdy.


Uqsas jańalyqtar
Seriktester jańalyqtary

Jańalyqtar

Úrdis

MURAǴAT