Qoldanýshy baptaýlary
Qoldanýshy baptaýlary
+7 (701) 759 90 19 Lenta
USD 379.01 EUR 423.24
RUB 5.90 CNY 54.92
Jańalyqtar

Gandbol: Qazaqstan quramasy jartylaı fınalǵa shyqty

2018 jylǵy 6 jeltoqsan 00:16 700
Bólisińiz:
Gandbol: Qazaqstan quramasy jartylaı fınalǵa shyqty

ASTANA. QazAqparat - Búgin gandboldan qyzdar arasynda Azııa birinshiligi toptyq kezeńiniń sońǵy oıyndary ótti. Qazaqstan quramasy Japonııamen kezdesti, dep habarlaıdy QazAqparat tilshisi.

Azııa chempıonaty Japonııanyń Kýmamoto qalasynda ótkizildi. Qazaqstan A tobynda Japonııa, Iran, Avstralııa, Jańa Zelandııa quramalarymen kúsh synasty. Atalmysh kezdesýde bizdiń qyzdar 24:31 esebimen jeńilip qaldy. Birinshi kezeńde japondar 14:11 esebimen basym tústi. Búgingi taǵy bir oıynda Iran Jańa Zelandııany 38:19 esebimen tize búktirdi.

Osylaısha A tobynda birinshi oryn Japonııa quramasyna buıyrdy. Odan keıingi orynda Qazaqstan qyzdary keledi. Bul quramalar jarystyń jartylaı fınalyna joldama aldy.

Bizdiń qurama budan buryn Avstralııany 32:24,  Irandy 41:26,  Jańa Zelandııany 51:14 esebimen jeńdi.

Al V tobynda da búgin eki kezdesý ótti. Ońtústik Koreıa Qytaıdy 24:21, Gonkong Úndistandy 30:29 esebimen jeńdi. Alǵashqy eki oryn Ońtústik Koreıa men Qytaı quramalarynyń enshisine tıdi.

Jartylaı fınal oıyndary 7 jeltoqsanda ótkiziledi. Qazaqstan Ońtústik Koreıamen kezdesse, Japonııa Qytaımen sheberlik baıqasady. Fınal men úshinshi oryn úshin saıys 9 jeltoqsanda bolady.

Qazaqstan qyzdar quramasy buǵan deıin eki márte Azııa chempıony ataǵyn jeńip aldy. Alǵash 2002 jyly Ońtústik Koreıadan 27:25 esebimen basym tússe, 2010 jyly sol qarsylasyn fınalda 33:32 esebimen jeńdi. Atalmysh eki Azııa birinshiligi de Almaty qalasynda ótkizilgen edi. Sondaı-aq, bizdiń qurama sońǵy úsh Azııa birinshiliginde tórtinshi orynǵa turaqtady. Búgingi kúnge deıin Qazaqstan quramasy Azııa birinshiligine toǵyz márte qatysqan.

 

 

Bizdiń kanalymyzǵa jazylyńyz:

Basty sózder: Sport,
Bólisińiz:

Avtor:

Ádiljan Úmbet

Zagrýzka...
ONLAIN QYZMETKERLER
REDAKTOR
Jarylqasyn Saıagúl
Jarylqasyn Saıagúl
954-059
MURAǴAT