Ganada jarylǵysh zattar tıelgen kólik jarylyp, 17 adam qaza tapty
2022 jylǵy 21 qańtar 09:20

Ganada jarylǵysh zattar tıelgen kólik jarylyp, 17 adam qaza tapty

NUR-SULTAN. QazAqparat – Gana eliniń batysynda shahtalardyń birinde jarylǵysh zattar tasymaldap kele jatqan júk kóliginiń jarylýy saldarynan kem degende 17 adam qaza taýyp, taǵy 59-y zardap shekti. Bul týraly QazAqparat AFP agenttigine silteme jasap habarlaıdy.

«Beısenbi kúngi saǵat 17:00-degi jaǵdaı boıynsha 17 adamnyń ólimi rastaldy, zardap shekken 59 adamǵa medıtsınalyq kómek kórsetildi», - dep málimdedi Gananyń Aqparat mınıstri Kodjo Opporg Nkrýma.

Buǵan deıin Gananyń «Grafık» jańalyqtar portaly júk kóliginiń Chırano kentiniń janyndaǵy shahtaǵa apara jatqanyn habarlady. Ol Apıate qalasynyń mańynda jolda mototsıklmen soqtyǵysqan. Oqıǵa kýágerleriniń sózinshe, jarylysqa jol apatynan keıin júk kóliginiń órtenýi sebep boldy. Jarylys saldarynan jańyn mańdaǵy birneshe ǵımarat qulaǵan.


Jańalyqtar

MURAǴAT