+7 (701) 759 90 19
USD 405.69 EUR 455.51
RUB 5.72 CNY 57.42
Jańalyqtar

Ǵalymdar XIX ǵasyrdaǵy fotosýretterdiń kómegimen ejelgi Kúltóbe qalashyǵyn qalpyna keltirýde

2020 jylǵy 25 mamyr 21:21
Bólisińiz:
Ǵalymdar XIX ǵasyrdaǵy fotosýretterdiń kómegimen ejelgi Kúltóbe qalashyǵyn qalpyna keltirýde

TÚRKІSTAN OBLYSY. QazAqparat – Túrkistandaǵy ejelgi Kúltóbe qalashyǵy arhıv fotosýretteri arqyly qalpyna keltirilip jatyr.

«Túrkistan albomy – fotosýretter men arhıtektýralyq josparlardan, akvareldi sýretter men kartalardan turatyn aımaq týraly kórneki materıaldardyń biregeı jıyntyǵy. XIX ǵasyrdyń ekinshi jartysynda jasalǵan osy albomnyń kómegimen ejelgi Túrkistan qalasynyń sáýlettik qurylymyn kózben kórýge bolady. Munda Qoja Ahmet ıAssaýı kesenesiniń mańynda ornalasqan qurylymdar fotosýretke túsken. Dál ejelgi Kúltóbe qalashyǵynyń sol tusynda qazba jumystaryn júrgizýdemiz. Aıtpaqshy tsıfrlandyrylǵan Túrkistan albomy asa sapaly kúıde AQSh Kongresi Kitaphanasynyń resmı saıtynda jarııalanǵan», - deıdi jobanyń ǵylymı jetekshisi, PhD doktory Andreı Hazbýlatov.

Jobanyń ǵylymı jetekshisi, PhD doktory Andreı Hazbýlatov pen arheolog Rýslan Sherbaev Kúltóbe qalashyǵynyń І nysanynda Arheologııalyq zertteý barysynda.

Kúltóbe qalashyǵynyń ýchaskeleriniń birinen Túrkistan albomynyń fotosýretterine uqsas qurylymdardyń qaldyqtary tabyldy. Máselen XVIII – XIX ǵasyrdyń basyndaǵy aýqatty qala turǵynynyń úıi – І nysandaǵy arhıvti fotosýretterge uqsaıdy. Al ІІ nysandaǵy qoǵamdyq qurylym XVIII-XIX ǵasyrlardaǵy ejelgi minájattyq qurylys bolýy múmkin.


1871-1872 jylǵy Túrkistan albomynyń fotosýreti. Alynǵan jeri: AQSh Kongresiniń Kitaphanasy


1871-1872 jylǵy Túrkistan albomynyń fotosýreti. Alynǵan jeri: AQSh Kongresiniń Kitaphanasy

Jekelegen nysandardyń egjeı-tegjeıli úshólshemdi úlgilerin, tipti jergilikti jerlerdiń tolyqqandy ýchaskesin qurýǵa múmkindik beretin fotogrammetrııalyq amaldyń kómegimen Kúltóbe qalashyǵynyń keıbir arheologııalyq nysanyn uqsata jasadyq. Arhıvti fotosýretterden shynynda da zerttelgen nysandardyń qandaı bolǵanyn kórip otyrsyzdar. Al basqa fotosýretterde (bizdiń qoldaǵy) nysandardyń qazirgi túri, ıaǵnı ortofojosparlar tanystyrylǵan», - dep túsindirdi arheolog Rýslan erbaev.


Nysannyń І ortofotojospary


Nysannyń ІІ ortofotojospary

Bul amal qazir óte tıimdi ári ol álemdik arheologııa salasynda keń aýqymda qoldanysqa engizilýde. Sonymen qatar bul amal nysandardy qaıta jóndeýge múmkindik berip qana qoımaı, ydystar men ózge de bólikterdi «bir kesekke» biriktirýge jol ashady. Osyndaı kompıýterlik «manıpýlıatsııalardyń» nátıjesinde qurylymnyń tolyqqandy modeli jasalady. Úshólshemdi keskinin qurý úshin ony elektrondy tsıfrlyq formatta ımporttaýǵa da bolady.

«Bizdiń arheologtar ázirlegen amal – qazirgi amal-ádisterdiń sıntezinen, arheologııalyq izdeýden, sáıkestendirilgen amaldardy paıdalanýdan, sonymen qatar zamannyń úzdik kompıýterlik tehnologııalaryn paıdalanýdan, úshólshemdi prınterden turady. Biz ashyq aspan astyndaǵy «Kúltóbe qalashyǵy» arheologııalyq parki aıasynda túpnusqa landshaftty qurý maqsatyna jaqyndap qaldyq. Biz tańdap alǵan ádisteme arheologııa jáne mádenı muralar nysanyn restavratsııalaý salasyndaǵy álemdik joǵary standarttarǵa saı keledi», - deıdi jobanyń bas ǵylymı qyzmetkeri Janerke Shaıǵozova.


Jobanyń bas ǵylymı qyzmetkeri Janerke Shaıǵozova

Joba Eurasian Resources Group (ERG) qarjylyq qoldaýymen júzege asyrylýda.


І jáne ІІ nysandaǵy arheologııalyq jumys protsesi




Bizdiń kanalymyzǵa jazylyńyz:

Bólisińiz:

Avtor:

Aıan Bekenuly

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Janıbek Amangeldı
Janıbek Amangeldı
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT