+7 (701) 759 90 19
USD 376.16 EUR 406.18
RUB 5.90 CNY 53.60
Jańalyqtar

Ǵalymdar kóp biledi, biraq ol aqparatqa suranys joq – Darıǵa Nazarbaeva

2020 jylǵy 17 qańtar 19:44
Bólisińiz:
Ǵalymdar kóp biledi, biraq ol aqparatqa suranys joq – Darıǵa Nazarbaeva

NUR-SULTAN. QazAqparat - Senatta parlamenttik tyńdaýlarǵa daıyndyq aıasynda aýyl sharýashylyǵy salasynyń ókilderimen birqatar kezdesýler ótýde. Búgin Senat Tóraǵasy Darıǵa Nazarbaeva «Kazakh Invest» ulttyq kompanııasy» AQ jáne «Qazsýshar» RMK basshylarymen kezdesti, dep habarlaıdy QazAqparat.

Palatanyń baspasóz qyzmetinen málim etkendeı, kezdesýge Agrarlyq máseleler, tabıǵatty paıdalaný jáne aýyldyq aýmaqtardy damytý komıtetiniń tóraǵasy Á.Bektaev, Ekonomıkalyq saıasat, ınnovatsııalyq damý jáne kásipkerlik komıtetiniń tóraǵasy S.Jaqsybekov, senatorlar R.Ákimov, B.Elamanov, M.Jumaǵazıev, D.Mýsın, A.Nuralıev, M.Taǵymov, S.Plotnıkov, M.Bortnık, M.Joldasbaev, B.Jumaǵulov, D.Nóketaeva qatysty.


«Kazakh Invest» ulttyq kompanııasy» AQ Basqarma tóraǵasy Baýyrjan Sartbaev kirispe sózinde ınvestıtsııalyq jobalardy agroónerkásip keshenine tartý men júzege asyrýdaǵy negizgi problemalardy atap ótti. «Kazakh Invest» basshysy salaǵa keri áser etetin basty sebepterdiń biri retinde ınvestorlardy qyzyqtyratyn bos jer ýchaskeleriniń joqtyǵyn atady. Problemalardyń qatarynda, sondaı-aq memlekettik qoldaý sharalaryn alýǵa kepildiktiń joqtyǵy, ınjenerlik ınfraqurylymdy qarjylandyrý jáne kepildi qamtamasyz etýge joǵary talaptar qoıylatyny aıtyldy.


Senat depýtattary talqylaýǵa qyzý qatysty jáne el aımaqtarynda saılaýshylarmen ótken taıaýdaǵy kezdesýleriniń qorytyndylary týraly aıtyp berdi. Atap aıtqanda, túıe sharýashylyǵymen aınalysatyn sharýa qojalyqtaryna ınvestıtsııa tartý máselesi qoıylǵany jetkizildi.

D.Nazarbaeva sheteldik jáne otandyq ınvestorlarǵa teń jaǵdaı jasaý qajettigine basa nazar aýdardy.

Kezdesýde sóz alǵan «Qazsýshar» RMK bas dırektory Baqytjan Kemelbekov qatysýshylardy kásiporynnyń jumysymen tanystyryp, elimizdiń sý sharýashylyǵynyń aldynda turǵan máselelerge qatysty óz pikirin bildirdi.

Bas dırektordyń habarlaýynsha, «Qazsýsharda» qazirgi kezde sý sharýashylyǵynyń túrli 4 703 nysany bar, kásiporyn bul rette barlyq óńirlerge engizilgen biryńǵaı tarıftiń saldarynan shyǵynǵa ushyrap keledi. «Bizge berilgen kóptegen nysandardyń jaǵdaıy jaqsy emes. Olardyń ustap turý, tıisti qyzmetin atqarý qymbat», - dedi ol.

Eger buryn nysandar jergilikti atqarýshy organdardyń menshiginde bolsa, qazir olar «Qazsýshardyń» qaramaǵynda bolyp otyr. Baqytjan Kemelbekov óz sózinde menshikke berý kezinde olardy paıdalaný tetikteri pysyqtalmaǵanyn aıtty.

Gıdrotehnıkalyq qurylystardyń qaýipsizdigi asa mańyzdy bolyp otyr. B.Kemelbekovtyń baǵalaýynsha, tótenshe jaǵdaı týyndaǵan jaǵdaıda 182 gıdrotehnıkalyq qurylys halyqqa qaýip tóndiretin bolady, bul máseleni sheshý úshin 27191,7 mln teńge qajet.

Senat Tóraǵasy talqylaýdy qorytyndylaı kelip, búgingi tańda gıdrotehnıkalyq nysandardy memlekettik basqarýda problema bar ekenin, bul nysandardy qarjylandyrý, ustaý jáne paıdalanýda ortalyq ýákiletti organdar men óńirlik ákimdikter arasyndaǵy ózara qarym-qatynastar júıesiniń tepe-teńdigi buzylǵanyn atap ótti.

D.Nazarbaeva jaǵdaıdy daǵdarysty kúıden shyǵarý úshin ınvestıtsııa tartýǵa qazirgi zamanǵy ádis-tásilderdi paıdalaný, tutynýshylardyń múddelerin eskerýge jáne gıdrotehnıkalyq obektilerdiń qalypty jumysyn qamtamasyz etýge saralanǵan tarıfter júıesin ázirleý, sý sharýashylyǵy obektilerin paıdalaný máselelerin Aýmaqtardy damytý baǵdarlamasyna engizý, salalyq normatıvterdi esepteý jáne sý sharýashylyǵynyń tıimdiligin arttyrý tehnologııalaryn daıyndaýǵa qazaqstandyq ǵylymı ınstıtýttardy tartý sııaqty sharalardy úılestirý qajet dep sanaıdy.

«Ókinishke oraı, bizdiń memlekettik mekemelerimizdiń ǵalymdarmen birlesken jumysy qalyptaspaı otyr. Ǵalymdar kóp biledi ári aqparatqa ıe. Olar jer betinde, jer astynda jáne aýada ne bar ekenin biledi. Tek bul aqparatqa suranys joq. Sonda onyń nátıjesi qandaı? Bir de bir máselege tereń taldaý jasalǵan joq. Óz-ózimizdi aldaýdy doǵaryp, óz ǵalymdarymyz ben mamandarymyzǵa senim artý qajet», - dedi D.Nazarbaeva.


Parlament joǵarǵy palatasynyń Tóraǵasy Agrarlyq máseleler, tabıǵatty paıdalaný jáne aýyldyq aýmaqtardy damytý komıtetine kezdesýge qatysýshylar qozǵaǵan ózekti máselelerdi zerdeleýdi jáne olardy parlamenttik tyńdaýlarda talqylaýǵa daıyndaýdy tapsyrdy.


Bizdiń kanalymyzǵa jazylyńyz:

Bólisińiz:

Avtor:

Qanat Mámetqazyuly

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Erbol Janat
Erbol Janat
954-059

MURAǴAT