+7 (701) 759 90 19
USD 421.58 EUR 496.83
RUB 5.53 CNY 62.2
Jańalyqtar

Ǵalymdar Kaspıı ıtbalyqtaryna mıkrochıp taǵyp, spýtnık arqyly baqylaýda

2019 jylǵy 11 jeltoqsan 10:09
Bólisińiz:
Ǵalymdar Kaspıı ıtbalyqtaryna mıkrochıp taǵyp, spýtnık arqyly baqylaýda

ATYRAÝ. QazAqparat - Ǵalymdar Kaspıı ıtbalyǵynyń tynys-tirshiligi men mıgratsııalyq órisin udaıy baqylap otyrmaq. Bul úshin olarǵa arnaıy mıkrochıp taǵyldy, dep habarlaıdy QazAqparat «Habar 24» arnasyna silteme jasap.

Elimizde ıtbalyq tek Kaspıı teńizinde ǵana kezdesedi. Ókinishtisi sol, búginde olardyń tuqymy azaıyp barady. Osyǵan oraı ıhtıolog-ǵalymdar jańa tehnologııanyń kómegimen teńiz maqulyǵyn jiti zertteıtin bolady. Spýtnıktik baqylaýǵa arnalǵan mıkroqondyrǵy 9 eresek ıtbalyqqa taǵyldy.

Ǵalymdardyń aıtýynsha, aq aıdynda alańsyz tirlik keship júrgen sý janýaryna belgi taǵý ońaı sharýa emes.

«Itbalyqtarǵa arnalǵan mıkrochıp olardyń arqasyna nemese basyna epoksıd jeliminiń kómegimen ornatylǵan. Ol teńiz janýarynyń saýlyǵyna esh zalal keltirmeıdi. Sol arqyly biz olardyń tirshiligin ǵaryshtan baqylaımyz. Jataǵyn, órisin anyqtaımyz, esebin alamyz», - deıdi teńiz bıoresýrsyn zertteýshi ǵalym Gúlsim Mutysheva.

Jańa jobanyń nátıjesi ǵalymdardyń ózderin de tańǵaldyryp otyr. Olar ǵaryshtyq júıe arqyly ıtbalyqtarmen jete tanysa bastaǵan.

Ekologııalyq mekemeniń dırektory Qýanyshbek Muhanovtyń sózinshe, belgi taǵylǵan ıtbalyqtyń biri bir aıdyń ishinde Makachkalaǵa deıin saparlap, 1 myń shaqyrym jol júrgen.

Osylaısha, ǵalymdar teńiz maqulyǵynyń tynys-tirshiliginen habardar bolady. Qańtar aıynda ıtbalyqtar muzǵa tóldeı bastaıdy. Endi ǵalymdar kóshpeli sý maqulyǵynyń kóbeıý protsesin baqylamaq. Bul jumystar reseılik áriptesterimen birge júzege asyrylady. Ol úshin arnaıy jabdyqtalǵan ushaqqa tapsyrys berildi. Itbalyq – teńiz janýarlarynyń ishindegi tólin sútpen qorektendiretin birden-bir tirshilik ıesi.

Keıingi 20 jylda teńiz janýarlarynyń sanaǵy múlde júrgizilmegen. Reseılik ǵalymdardyń esepteýinshe, búginde Kaspıı teńizinde 300 myń bas ıtbalyq bar. Onyń 100 myńǵa jýyǵy qazaqstandyq sektorda tirshilik etedi. Biraq, bul boljam ǵana. Kóp uzamaı ǵalymdar Kaspıı teńiziniń soltústik jaǵalaýyndaǵy ıtbalyqtardyń naqty sanyn anyqtaı alady.

Bizdiń kanalymyzǵa jazylyńyz:

Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Janıbek Amangeldı
Janıbek Amangeldı
954-059

MURAǴAT