Galıdýlla Azıdýllın Ekologııa jáne tabıǵı resýrstar vıtse-mınıstri boldy
ASTANA. QazAqparat - Qazaqstan Respýblıkasy Úkimetiniń qaýlysymen Galıdýlla Azıdollauly Azıdýllın QR ekologııa jáne tabıǵı resýrstar vıtse-mınıstri qyzmetine taǵaıyndaldy. Bul týraly QR Premer-Mınıstriniń baspasóz qyzmeti habarlaıdy.
Galıdýlla Azıdýllın 1981 jyly Atyraý oblysynda týǵan.
H. Dosmuhamedov atyndaǵy Atyraý memlekettik ýnıversıtetin, M. H. Dýlatı atyndaǵy Taraz memlekettik ýnıversıtetin bitirgen.
Eńbek jolyn 2002 jyly Jaıyq-Kaspıı basseındik sý sharýashylyǵy basqarmasy Sý qoryn qorǵaý jáne memlekettik baqylaý bóliminiń bas mamanynyń m. a. bolyp bastady.
2003-2008 jyldary — Jaıyq-Kaspıı basseındik sý sharýashylyǵy basqarmasy Sý qoryn qorǵaý jáne memlekettik baqylaý bóliminiń bas mamany, bólim bastyǵy.
2008 jyly «SK Alataý» AQ Atyraý fılıaly dırektorynyń orynbasary boldy.
2009-2020 jyldary Sý resýrstary komıtetiniń qurylymynda basshylyq qyzmetter atqardy.
2020-2022 jyldary – QR Ekologııa, geologııa jáne tabıǵı resýrstar mınıstrligi Sý resýrstary komıtetiniń Sý resýrstaryn paıdalanýdy retteý jáne qorǵaý jónindegi Jaıyq-Kaspıı basseındik ınspektsııasynyń basshysy, Atyraý qalasy.
2022 jylǵy jeltoqsannan bastap qazirgi ýaqytqa deıin QR Ekologııa, geologııa jáne tabıǵı resýrstar mınıstrligi Sý resýrstary komıtetiniń Sý resýrstaryn paıdalanýdy retteý jáne qorǵaý jónindegi Ertis basseındik ınspektsııasynyń basshysy boldy.
Foto: primeminister.kz
