Gabrıel Borıch Chılı tarıhyndaǵy eń jas prezıdent atandy
2021 jylǵy 20 jeltoqsan 17:30

Gabrıel Borıch Chılı tarıhyndaǵy eń jas prezıdent atandy

SANTЬıAGO. QazAqparat - Gabrıel Borıch Chılı tarıhyndaǵy eń jas prezıdent atandy. «Abyroıdy maquldaımyn» sol koalıtsııasynan saılaýǵa túsken 35 jastaǵy kandıdatqa ekinshi kezeńde 55,87% saılaýshy daýys bergen, dep habarlaıdy QazAqparat euronews.com saıtyna silteme jasap.

Saıasatqa stýdenttik qozǵalystan kelgen Borıchtiń saılaýaldy ýádeleriniń biri – áleýmettik teńsizdikpen kúresý. Ol molshylyqqa salyq salyp, jeke zeınetaqy qory júıesinen bas tartýdy usyndy.

«Men ózimdi, bizdiń jobamyz sııaqty, ádilettilik, demokratııany keńeıtý, adam quqyǵyn qorǵaý, bostandyqty qorǵaý úshin kúreskenderdiń uzaq tarıhı jolynyń murageri retinde sezinip otyrmyn. Osy úlken otbasyny qaıtadan birge kórgim keledi, óıtkeni bul sahnada jańa tarıhı kezeń bastalady», - dep málimdedi Gabrıel Borıch.

Borıchtiń qarsylasy, ýltrakonservatıvtik saıasatker Hose Antonıo Kast 45%-dan az daýys jınady.

Chılıdegi saılaý koronavırýs pandemııasynan týyndaǵan daǵdarys, narazylyqtar men tártipsizdikterge ákelip soqtyrǵan áleýmettik shıelenister, sondaı-aq úkimet pen mapýche úndisteriniń radıkaldy toptary arasyndaǵy qaqtyǵystyń shıelenisýi jaǵdaıynda ótti.


Avtor:
Tilshi

Jańalyqtar

MURAǴAT