+7 (701) 759 90 19
USD 426.14 EUR 497.05
RUB 6.02 CNY 66.69
Jańalyqtar

G20 sammıti Qazaqstan úshin tabysty ótti

2016 jylǵy 6 qyrkúıek 15:03
Bólisińiz:

ASTANA. QazAqparat - Qazaqstan Prezıdenti Nursultan Nazarbaevtyń halyqaralyq sıpattaǵy belsendi qyzmeti búginde qazaqstandyqtar jáne halyqaralyq qoǵamdastyq tarapynan solaı bolýy tıis zańdy úrdis retinde qabyldanyp keledi.

Alaıda, Nursultan Nazarbaevtyń jaqynda QHR Tóraǵasy Sı Tszınpınniń arnaıy shaqyrýymen Hanchjoý qalasynda uıymdastyrylǵan G20 sammıtine qatysýyn óte eleýli oqıǵa deýge bolady.

G20-ǵa múshe memleketterdiń álemdik ekonomıkanyń jaǵdaıy men bolashaqtaǵy múmkindikterin aıqyndaıtynyn túsinetin kez keldi. Sebebi, olar búkil adamzattyń damý parametrlerin belgileıdi. Árıne, Qazaqstan óziniń ekonomıkalyq áleýetimen «Úlken jıyrmalyqtan» áli alys. Desek te, elimiz táýelsizdik alǵan 25 jyl ishinde N.Nazarbaevtyń el men álem úshin atqarǵan qyzmeti, onyń halyqaralyq úderisterdi ilgeriletýdegi syndarly jáne jasampaz saıasaty men róliniń artýy, balamasyz tájirıbesi, úlken ıntellektýaldy áleýeti, sondaı-aq, kúni búginge deıin qalyptasqan joǵary bedeli obektıvti túrde ony álemdik deńgeıdegi kóshbasshyǵa aınaldyrdy. Buǵan Elbasynyń jıynǵa qatysqan prezıdenttermen, máselen, Sı Tszınpınnen bastap, Barak Obamaǵa deıingi lıderlermen bolǵan kelissózderi de aıqyn dálel bola alady.

Men dál osyndaı halyqaralyq aýqymdaǵy forýmdarda ekijaqty kezdesýlerdi uıymdastyrýdyń ońaıǵa soqpaıtynyn bilemin. Al Nursultan Nazarbaev úshin bul - ábden qalyptasqan úrdis. Óıtkeni, búginde Qazaqstan Prezıdentimen álemniń kóptegen eli yntymaqtastyq ornatýǵa ázir.

Nursultan Nazarbaevtyń dúnıe júzinde bolyp jatqan jaǵdaılarǵa qatysty beretin baǵasy men Elbasy tarapynan aıtylatyn usynystardy eń damyǵan elderdiń kóshbasshylary árdaıym muqııat ári den qoıyp tyńdaıdy, sonymen qatar, ol máseleler jan-jaqty saraptan ótkizilip qana qoımaı, keıbir damyǵan elder astanalarynda is júzine asyrylyp ta júr. Solardyń biri - G20 sammıti. Alqaly jıyn aıasynda Qazaqstan Prezıdenti álemdik ekonomıkanyń qazirgi jaǵdaıyna qatysty dál ári naqty anyqtama bere bildi jáne halyqaralyq qoǵamdastyqty jahandanǵan álemdegi kúrdeli máselelerdi sheshýge shaqyrdy.

Nursultan Nazarbaevtyń kez kelgen sheteldik sapary, kez kelgen halyqaralyq kezdesýi syrtqy saıasattyń, ishki saıasattyń bir bólshegi jáne onyń jalǵasy ekenin aıqyn dáleldep keledi. Bul sammıtte de Memleket basshysy Qazaqstannyń ustanymdary men qaǵıdalaryn belsendi túrde alǵa jyljytty. Qazirgideı qıyn-qystaý zamanda shetel ınvestıtsııasyn elimizge tartýǵa kúsh saldy. Bul oraıda, QHR Tóraǵasy Sı Tszınpınmen aradaǵy kezdesýdiń qorytyndysy óte tabysty ótti deýge bolady. Máselen, bul kezdesýdiń nátıjesinde aldaǵy 5 jyldyń ishinde jalpy quny 26 mlrd dollardy quraıtyn túrli joba júzege asyrylmaq. Bul álemde qazirgideı óte kúrdeli ekonomıkalyq jaǵdaı oryn alǵan jáne árbir dollar úshin kúres bolyp turǵan kezeńde múmkin bolyp tur. Osy arqyly Elbasy qazaqstandyq ónimniń Qytaı naryǵynda keńirek taralýyna jol ashty. Olardyń arasynda kómirsýteginen bólek, Qazaqstannyń aýylsharýashylyǵy kesheniniń ónimderi de bar.

Elbasynyń, ásirese, G20 sammıtine qatysý aıasynda oryn alǵan hattamalyq sátterge nazar aýdarǵym keledi. Bul kezde de Nursultan Nazarbaevqa aıryqsha kóńil bólinip, úlken syı-qurmet kórsetildi. Bul Qazaqstan Prezıdenti otyratyn orynnyń, sóz sóıleý jáne sammıttiń sońynda sýretke túsý tártibiniń belgilenýinen-aq anyq kórindi. Qazaqstan «Úlken jıyrmalyqqa» múshe bolmasa da, G20-ǵa múshe elder kóshbasshylarynyń sammıt qorytyndysynda sýretke túsý saltanatty rásimi kezinde Nursultan Nazarbaevqa orta tus belgilendi. Halyqaralyq qyzmette usaq-túıek degenge oryn joq. Al hattamalyq is-sharalar - álemdik sahnada bolyp jatqan jaǵdaılardyń aınasy. Bul rette biz, ıaǵnı qazaqstandyqtar aýqymdy jıyndaǵy Elbasynyń orny men róline qarap maqtana alamyz. Sebebi, Nursultan Nazarbaev bul sammıt aıasynda Qazaqstandy álemge taǵy bir márte joǵary deńgeıde jáne úlken abyroımen tanytty.

Memleket basshysynyń sammıt aıasyndaǵy sapary óte tyǵyz ári kúrdeli boldy. Alaıda, Elbasy sapardyń árbir kúninde de óziniń myqty kúsh-jigeri men joǵary ıntellektýaldyq tájirıbesin kórsetti. Hanchjoýdyń mádenı ortalyqtaryn aralap, óziniń alǵan áserlerimen qazaqstandyq BAQ ókilderimen de bólisýge ýaqyt tapty.

Bizdiń kanalymyzǵa jazylyńyz:

#G-20  
Bólisińiz:
Pikir qaldyrý
+7
Jiberý
Sondaı-aq... oqyńyz
ONLAIN QYZMETKERLER
REDAKTOR
Aıdar Ospanalıev
Aıdar Ospanalıev
954-059

MURAǴAT