+7 (701) 759 90 19
USD 420.32 EUR 509.34
RUB 5.7 CNY 64.85
Jańalyqtar

Fýtzaldan Qazaqstan quramasy Vengrııamen kezdesedi

2020 jylǵy 5 jeltoqsan 23:14
Bólisińiz:
Fýtzaldan Qazaqstan quramasy Vengrııamen kezdesedi

NUR-SULTAN. QazAqparat - Fýtzaldan Qazaqstan quramasy 2022 jylǵy Eýropa chempıonaty irikteý kezeńindegi oıyndaryna daıyndyǵyn bastap ketti, dep habarlaıdy QazAqparat tilshisi.

Esterińizge sala ketelik, qazaqstandyq fýtzalshylar besinshi topqa tústi. Qarsylastary - Vengrııa, Belarýs jáne Izraıl quramalary .

Qazaqstandyq fýtzalshylar alǵashqy oıynyn óz alańynda 2020 jyldyń 9 jeltoqsanynda Vengrııa quramasyna qarsy ótkizedi.

Qalǵan bes oıyn 2021 jyldyń qańtar jáne sáýir aılary aralyǵynda bolady.

Aldymen 28 qańtarda syrt alańda Izraılmen kezdesedi. Odan keıin óz alańynda 2 naýryzda Belarýspen sheberlik baıqassa, 8 naýryzda syrt alańda oınaıdy. Al 6 sáýirde syrt alańda Vengrııamen kezdesse, 13 naýryzda óz alańynda Izraıldi qabyldaıdy.

Aıta ketý kerek, irikteý kezeńi alǵash ret óz alańynda jáne syrtta bolady. Quramalar úsh oıynyn óz alańynda, úsheýin syrtta oınaıdy. Іrikteý kezeńindegi segiz topta jeńimpaz ataǵan jáne ekinshi oryndaǵy úzdik nátıjege qol jetkizgen quramalar fınaldyq kezeńge tikeleı joldama alady.

Tórtinshi kezeńde ekinshi oryndaǵy tómengi nátıje kórsetken eki qurama qosymsha oıynda kezdesip, bir joldamaǵa talasady.

Qazir qazaqstandyq fýtzalshylar aldaǵy oıynǵa daıyndyǵyn júrgizýde. Quramaǵa shaqyrý alǵan fýtzalshylar alǵashqy jattyǵýǵa tolyq quramda qatysa almady. Qaqpashy Igıta men qorǵaýshy Dýglas jaraqatyn emdep, endi qurama sapyna qosyldy. Elordalyq «Nur-Sultan» komandasynan kelgen Rınat Ýmeshev qaqpashylardyń jattyǵýyna kómektesýde. Sondaı-aq, qosalqy quramnan taldyqorǵandyq «Jetisýdyń» qaqpashysy Nurálem Baıdolla keledi. Portýgalııanyń «Sportıng» (Lıssabon) shabýylshysy Taınan jaqyn kúnderi qurama sapyna qosylady.

Aıta ketelik, qazaqstandyq fýtzalshylar budan buryn Eýropa chempıonaty fınaldyq kezeńinde eki márte baq synady. 2016, 2018 jyldarda qola júlde aldy.

Aldaǵy Eýropa chempıonatynyń fınaldyq kezeńi 2022 jyldyń 19 qańtar-6 aqpan aralyǵynda Nıderlandynyń Amsterdam jáne Gronıngen qalalarynda ótkiziledi. Onda barlyǵy 16 qurama sheberlik baıqasady.


Bizdiń kanalymyzǵa jazylyńyz:

#Sport  
Bólisińiz:

Avtor:

Ádiljan Úmbet

Pikir qaldyrý
+7
Jiberý
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Janıbek Amangeldı
Janıbek Amangeldı
954-059

MURAǴAT