Fýtzaldan Eýropa chempıonaty: Qazaqstan Italııaǵa qarsy quramyn jarııalady
2022 jylǵy 28 qańtar 22:15

Fýtzaldan Eýropa chempıonaty: Qazaqstan Italııaǵa qarsy quramyn jarııalady

NUR-SULTAN. QazAqparat - Fýtzaldan Qazaqstan quramasy Eýropa chempıonaty fınaldyq satysy toptyq kezeńindegi úshinshi oıynynda Italıaıǵa qarsy quramyn jarııalady, dep habarlaıdy QazAqparat tilshisi.

Alǵashqy mınýttan alańǵa Igıta, Taınan, Tursagulov, Dýglas, Orazov bestigi shyǵady. Oıyn barysynda olardy Atantaev, Karaǵulov, Edson, Valıýllın, Knaýb, Toqaev, Saǵyndyqov almastyra alady.

Kezdesý elorda ýaqytymen 22.30-da bastalyp, «Qazsport» telearnasynan tikeleı efırde kórsetiledi.

Eske salsaq, Qazaqstan quramasy V tobynda synǵa túsýde. Qarsylastary - Slovenııa, Fınlıandııa jáne Italııa quramalary.

Eki týrdan keıin 4 upaımen Qazaqstan kósh bastap tur. Aldymen qazaqstandyq fýtzalshylar Slovenııamen 4:4 esebimen teń tússe , odan keıin Slovenııany 6:2 esebimen tize búktirdi.

Odan keıingi oryndardaǵy Italııa men Slovenııanyń enshisinde eki-ekiden upaıdan bolsa, Fınlıandııa bir upaı enshilegen. Sondyqtan búgin qazaqstandyq fýtzalshylar jeńiske jetýi nemese teń túsýi qajet. Árbir toptan alǵashqy eki oryn alǵan quramalar shırek fınalǵa joldama alady.

Eske salsaq, Qazaqstan quramasy buǵan deıin Eýropa chempıonaty fınaldyq satysynda eki márte synǵa tústi. 2016 jyly - 3, 2018 jyly 4-oryn aldy.



Jańalyqtar

MURAǴAT