Fýtzaldan Eýropa chempıonaty: Ispanııa men Grýzııa jeńiske jetti
2022 jylǵy 23 qańtar 12:32

Fýtzaldan Eýropa chempıonaty: Ispanııa men Grýzııa jeńiske jetti

NUR-SULTAN. QazAqparat - Fýtzaldan 2022 jylǵy Eýropa chempıonaty fınaldyq satysy toptyq kezeńindegi tórtinshi oıyn kúniniń nátıjesi belgili boldy, dep habarlaıdy QazAqparat tilshisi.

Aıta ketsek, 21 qańtarda D tobyndaǵy quramalar synǵa tústi. Bul kúni Ispanııa Bosnııa jáne Gertsogovınany 5:1, Grýzııa Ázerbaıjandy 3:2 esebimen tize búktirdi.

Endi atalǵan topta 26 qańtarda Bosnııa jáne Gertsogovına men Grýzııa, Ispanııa men Ázerbaıjan quramalary sheberlik baıqasady.

Sondaı-aq, búgin A tobynda alǵashqy týr oıyndary ótkiziledi. Atalǵan topta Serbııa men Ýkraına, Portýgalııa men Nıderlandy quramalary synǵa túsedi.

Eske salsaq, V tobynda oınaıtyn Qazaqstan birinshi týrda Slovenııamen 4:4, Italııa men Fınlıandııa 3:3 esebimen teń tústi.

Ekinshi týrda 24 qańtarda Italııa men Slovenııa, Qazaqstan men Fınlıandııa alańǵa shyǵady.

Aıta ketsek, týrnır Nıderlandynyń Amsterdam jáne Gronıngen qalalarynda 19 qańtar jáne 6 aqpan kúnderi ótkiziledi.


Jańalyqtar

MURAǴAT