Fýtzaldan Chempıondar lıgasy: «Qaırat» reseılik «Tıýmen» komandasymen kezdesedi
2021 jylǵy 5 jeltoqsan 17:35

Fýtzaldan Chempıondar lıgasy: «Qaırat» reseılik «Tıýmen» komandasymen kezdesedi

NUR-SULTAN. QazAqparat - Búgin qazaqstandyq «Qaırat» fýtzaldan UEFA Chempıondar lıgasy elıtalyq satysyndaǵy úshinshi oıynyn Reseıdiń «Tıýmen» komandasyna qarsy ótkizedi, dep habarlaıdy QazAqparat tilshisi.

Aıta ketsek, almatylyq klýb A tobynda synǵa túsedi. Qarsylastary - «VıtEn» (Belarýs),«Aner-Vılnev» (Frantsııa) jáne «Tıýmen» (Reseı) komandalary.

Oıyn elorda ýaqytymen 20.00-de bastalyp, Qazsport telearnasynan tikeleı efırde kórsetiledi.

«Tıýmen» 1999 jyly qurylǵan. Buǵan deıin bir márte chempıon atansa, eki-eki retten kúmis jáne qola júldege qol sozdy.

«Qaırat» buǵan deıin, 2 jeltoqsanda belarýstik «VıtEn» klýbynan basym túsce , 3 jeltoqsanda Frantsııanyń «Aner-Vılnev» klýbymen teń oınady.

Árbir topta birinshi oryn alǵan komandalar jarystyń kelesi satysyna joldama alady. Ázirge eki oıynnan keıin «Tıýmende» 6, «Qaıratta» 4 upaı bar. Qazaqstandyq klýb tek jeńiske jetken jaǵdaıda ǵana jarysty jalǵastyra alady.

Aıta ketsek, almatylyq komanda básekeniń atalǵan satysynla 15 márte qatysýǵa múmkindik aldy.

Eske salar bolsaq, almatylyq klýb budan buryn jarystyń negizgi satysynda Chehııanyń «Plzen» jáne Reseıdiń «Tıýmen» klýbtarymen 3:3 esebimen teń oınap, Italııanyń «Pezarosyn» 3:2 esebimen súrindirdi.


Uqsas jańalyqtar
Seriktester jańalyqtary

Jańalyqtar

Úrdis

MURAǴAT