Fýtzaldan Chempıondar lıgasy: «Qaırat» Belarýs eliniń «VıtEn» komandasyn jeńdi
2021 jylǵy 2 jeltoqsan 18:52

Fýtzaldan Chempıondar lıgasy: «Qaırat» Belarýs eliniń «VıtEn» komandasyn jeńdi

NUR-SULTAN. QazAqparat - Búgin qazaqstandyq «Qaırat» fýtzaldan UEFA Chempıondar lıgasy elıtalyq satysyndaǵy alǵashqy oıynyn Belarýs eliniń «VıtEn» klýbyna qarsy ótkizdi, dep habarlaıdy QazAqparat tilshisi.

Eske salsaq, almatylyq klýb A tobynd a synǵa túsedi. Qarsylastary - «VıtEn» (Belarýs),«Aner-Vılnev» (Frantsııa) jáne «Tıýmen» (Reseı) komandalary.

Búgingi oıynda qos komanda bir-birine laıyqty qarsylyq kórsetti. Alǵashqy mınýttarda belarýstik fýtzalshylar alǵa qaraı umtyldy. Nátıjesinde olardyń qatarynan 1-mınýtta Oleg Eremın esep ashty. Al 3-mınýtta almatylyq klýbtan Savıo tarazy basyn teńestirse, 12-mınýtta Albert Aqbalyqov «Qaıratty» alǵa shyǵardy. Degenmen 12-mınýtta qazaqstandyq komanda qaqpasyna Pavel Rogovık gol soǵyp, qaıtadan tarazy teńesti.

Ekinshi kezeńde «Qaırat» belsendi bastady. Qarsylastar qaqpasy mańynda jıi boı kórsetti. Belarýs komandasy oǵan laıyqty qarsylyq tanytty. Qazaqstandyq Shyǵys Esenamanov 30-mınýtta kózdegen nysanadan múlt ketken joq.

Kezdesýde «Qaırat» qarsylasynan 3:2 esebimen basym tústi.

«Qaırat» endi 3 jeltoqsanda «Aner-Vılnev» klýbymen kezdesse, 5 jeltoqsanda «Tıýmen» klýbymen oınaıdy.


Jańalyqtar

MURAǴAT