+7 (701) 759 90 19
USD 426.32 EUR 496.24
RUB 6.04 CNY 66.74
Jańalyqtar

Fýtzaldan álem chempıonaty: Qazaqstan jarystyń kelesi satysyna shyqty

2021 jylǵy 19 qyrkúıek 01:12
Bólisińiz:
Fýtzaldan álem chempıonaty: Qazaqstan jarystyń kelesi satysyna shyqty

NUR-SULTAN. QazAqparat - Fýtzaldan álem chempıonatynyń fınaldyq satysy toptyq kezeńindegi úshinshi oıynynda Qazaqstan quramasy Venesýelamen kezdesti, dep habarlaıdy QazAqparat tilshisi.

Uqsas jańalyqtar
Búgin fýtzaldan Eýropa chempıonatynyń jerebe rásimi ótedi: Qazaqstan 1-sebette 2021-2022 maýsymyndaǵy fýtzaldan QR chempıonatynyń kúntizbesi jarııalandy

Qazaqstandyq fýtzalshylar A tobynda synǵa túsedi. Qarsylastary - Lıtva, Venesýela, Kosta-Rıka.

Eki qurama atalǵan topta qaısysynyń birinshi oryn alatynyn anyqtaýǵa tyrysty. Osyǵan baılanysty kezdesý de tartysty boldy.

Oıynnyń 5-mınýtynda qazaqstandyq quramadan Dýglas Jýnıor kózdegen nysadan múlt ketken joq. Budan keıin eki qurama tarapynan esepti ózgertetin birneshe múmkindik bolǵan edi.

Venesýela ekinshi kezeńde tarazy basyn teńestirýge umtyldy. Nátıjesinde oıynnyń bitýine nebári 11 sekýnd qalǵanynda degenine jetti.

Osylaısha Qazaqstan quramasy qarsylasymen 1:1 esebimen teń tústi.

Aıta ketsek, qazaqstandyq fýtzalshylar alǵashqy eki kezdesýinde Kosta-Rıkadan 6:1, Lıtvadan 3:0 esebimen basym tústi.

Atalǵan topta Qazaqstan quramasy birinshi oryn alsa, Venesýela ekinshi orynǵa ıe boldy. Ekeýi jarystyń kelesi satysyna shyqty.

Sondaı-aq, V tobynda Reseı men Ózbekstan quramalary da jarysty jalǵastyratyn boldy. Qalǵan toptardaǵy alǵashqy eki orynǵa ıe bolǵan quramalar endi anyqtalady. Olardyń qataryna úzdik kórsetkishke ıe bolǵan taǵy tórt qurama qosylady.

Qazaqstan quramasy budan buryn álem chempıonaty fınaldyq satysynda eki márte baq synady. 2000 jyly birinshi kezeńnen asa almasa, 2016 jyly 1/8 fınalǵa deıin jetti.

Álem chempıonatynyń fınaly 3 qazanǵa belgilengen.


Bizdiń kanalymyzǵa jazylyńyz:

#Sport  
Bólisińiz:

Avtor:

Ádiljan Úmbet

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER

MURAǴAT