+7 (701) 759 90 19
USD 425.78 EUR 494.08
RUB 5.98 CNY 66.23
Jańalyqtar

Fýtzaldan álem chempıonaty: Qazaqstan quramasy jartylaı fınalǵa shyqty

2021 jylǵy 28 qyrkúıek 00:46
Bólisińiz:
Fýtzaldan álem chempıonaty: Qazaqstan quramasy jartylaı fınalǵa shyqty

NUR-SULTAN. QazAqparat - Búgin Qazaqstan quramasy fýtzaldan álem chempıonatynyń shırek fınalynda Iranmen sheberlik baıqasty, dep habarlaıdy QazAqparat tilshisi.

Uqsas jańalyqtar
Fýtboldan Qazaqstan chempıonaty: «Qaırat» syrt alańda «Aqtóbeni» jeńdi 2021-2022 maýsymyndaǵy fýtzaldan QR chempıonatynyń kúntizbesi jarııalandy Fýtboldan Qazaqstan chempıonaty: «Aqjaıyq» pen «Turan» teń tarqasty


Búgingi kezdesý asa tartysty ótti. Alǵashqy mınýttarda ırandyq sportshylar tizgindi óz qolyna alýǵa tyrysty. Nátıjesinde birinshi kezeńniń 8-mınýtynda Moslem Oladgobad esep ashsa, 15-mınýtta Ahmad Esmaılpýr esepti ústemeleı tústi.

Ekinshi kezeńde qazaqstandyq fýtzalshylar alǵa qaraı umtyldy. Oıynnyń 25-mınýtynda Dáýren Tursaǵulov kózdegen nysanadan múlt ketken joq. Al 29-mınýtta Arnold Knaýb tarazy basyn teńestirdi. Oıynnyń 39-mınýtynda qazaqstandyq Taınan jeńis golyn soqty.

Osylaısha Qazaqstan qarsylasyn 3:2 esebimen jeńdi.

Toptyq kezeńde Qazaqstan quramasy Kosta-Rıkadan 6:1, Lıtvadan 3:0 esebimen basym boldy. Al Venesýelamen 1:1 esebimen teń tústi. Odan keıin 1/8 fınalda Taılandty 7:0 esebimen tize búktirdi.

Budan buryn 1/4 fınalda Brazılııa Marokkony 1:0 esebimen jeńgen bolatyn. Al Argentına men Reseı kezdesýiniń negizgi kezeńi 1:1 esebimen aıaqtalyp, penaltıde argentınalyqtar 5:4 esebimen jeńiske jetti. Búgin Portýgalııa - Ispanııa kezdesýi portýgalııalyqtar paıdasyna 4:2 esebimen aıaqtaldy.

Endi 29 qyrkúıekte ótetin jartylaı fınalda Brazılııa men Argentına kezdesse, 30 qyrkúıekte Qazaqstan men Portýgalııa oınaıdy.

Qazaqstan quramasy budan buryn álem chempıonatynyń fınaldyq satysynda eki márte baq synaǵan edi. 2000 jyly birinshi kezeńnen asa almasa, 2016 jyly 1/8 fınalǵa deıin jetti.

Álem chempıonatynyń fınaly 3 qazanǵa belgilengen.


Bizdiń kanalymyzǵa jazylyńyz:

#Sport   #Qoǵam   #Fýtbol  
Bólisińiz:

Avtor:

Ádiljan Úmbet

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER

MURAǴAT