+7 (701) 759 90 19
USD 439.01 EUR 474.61
RUB 5.75 CNY 61.91
Jańalyqtar

Fýtzaldan álem chempıonaty: Qazaqstan quramasy Slovenııany jeńdi

2020 jylǵy 4 aqpan 08:13
Bólisińiz:
Fýtzaldan álem chempıonaty: Qazaqstan quramasy Slovenııany jeńdi

NUR-SULTAN. QazAqparat - Búgin fýtzaldan Qazaqstan quramasy álem chempıonaty elıtalyq kezeńinde ekinshi kezdesýinde Slovenııamen oınady, dep habarlaıdy QazAqparat tilshisi.

Eki qurama da alǵashqy oıynda qarsylastaryna ese jiberdi. Qazaqstan fýtzalshylary Rýmynııadan, Slovenııa Chehııadan 1:3 esebimen jeńilip qaldy. Sondyqtan búgingi kezdesý tartysty órbıtini anyq edi.

Slovenııa búginge deıin álem chempıonaty fınaldyq kezeńinde birde-bir márte baq synap kórgen emes. Al Eýropa chempıonatyna 4 márte qatysyp, 2014, 2018 jyldarda shırek fınalǵa deıin jetti.

Mamandar Slovenııany osal qarsylas dep sanaǵan edi. Degenmen olar qazaqstandyq quramaǵa laıyqty qarsylyq kórsete bildi. Qazaqstandyq fýtzalshylar gol soǵatyn birneshe múmkindikti múlt jiberip aldy. Slovenııanyń da sondaı qateligi baıqaldy.

Birinshi kezeńniń sońyna taman Qazaqstan quramasy belsendi qımyl kórsetti. Nátıjesinde 18-mınýtta Albert Aqbalyqov urymtal sátti golǵa aınaldyryp ketti. Osylaısha qazaqstandyq fýtzalshylar alǵa shyqty. Al ekinshi kezeńniń 28 jáne 31 mınýttarynda slovenııalyq fýtzalshylar eki gol soqsa, oǵan 32-mınýtta qazaqstandyq Djýnıor Dýglas bir golmen jaýap berdi. Dese de 34-mınýtta Slovenııa quramasy taǵy da alǵa shyqty. Al 38-mınýtta qazaqstandyq fýtzalshy Leo tarazy basyn teńestirdi. Oıynnyń 39-mınýtta qazaqstandyq Dáýren Tursaǵulov jeńis golyn soqty. Osylaısha Qazaqstan Slovenııadan 4:3 esebimen basym tústi.

Esterińizge sala ketelik, 2-5 aqpan aralyǵynda D tobynda Rýmynııa, Slovenııa jáne Chehııa quramalarymen synǵa túsedi. Búgin Chehııa quramasy Rýmynııany 4:0 esebimen jeńdi. Eki týrdan keıin alty upaımen Chehııa birinshi orynda tur. Odan keıingi oryndaǵy Rýmynııa, Qazaqstan quramalarynyń enshisinde 3 upaıdan bolsa, Slovenııa ázirge upaı alǵan joq.

Qazaqstan quramasy 5 aqpanda Chehııamen kezdesedi.


Bizdiń kanalymyzǵa jazylyńyz:

Basty sózder: Sport,
Bólisińiz:

Avtor:

Ádiljan Úmbet

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Janıbek Amangeldı
Janıbek Amangeldı
954-059

MURAǴAT