+7 (701) 759 90 19
USD 386.44 EUR 428.37
RUB 6.06 CNY 54.93
Jańalyqtar

Fýtzal: Qazaqstan quramasy irikteý kezeńinen irkilmeı óte me

2019 jylǵy 23 qazan 10:45
Bólisińiz:
Fýtzal: Qazaqstan quramasy irikteý kezeńinen irkilmeı óte me

NUR-SULTAN. QazAqparat - Búgin fýtzaldan Qazaqstan quramasy 2020 jylǵy álem chempıonatyna irikteý satysynda alǵashqy oıynyn Albanııaǵa qarsy ótkizedi. Іrikteý satysy Rýmynııanyń Pıatra-Nıamts qalasynda 23-26 qazan aralyǵynda bolady, dep habarlaıdy QazAqparat tilshisi.

Qazaqstandyq fýtzalshylar besinshi topta synǵa túsedi. Qarsylastary - Albanııa, Rýmynııa jáne Gollandııa quramalary. Qazaqstan quramasynyń qarsylastary álsiz emes. Olardyń árbiriniń jarystyń fınaldyq satysyna joldama alýyna mol múmkindik bar.

Qazaqstandyq fýtzalshylar búgingi kúnge deıin eki márte álem chempıonatynda baq synap qaıtty. 2000 jyly qurama Azııa chempıonatynda fınalǵa deıin jetti. Nátıjesinde álem chempıonaty fınaldyq kezeńine joldama aldy. Degenmen ol joly qazaqstandyq oıynshylar sátsiz oıyn kórsetti. Toptyq kezeńde Brazılııadan 1:12, Portýgalııadan 2:6, Gvatemaladan 5:6 esebimen jeńilip, elge erterek qaıtýǵa májbúr boldy.

Odan keıin Qazaqstan fýtbol federatsııasy ÝEFA quramyna engeli belgili. Káriqurlyqtan qazaqstandyq qurama 2016 jylǵy álem chempıonatyna qatysýǵa joldama aldy. Álem chempıonaty fınaldyq satysynda Argentına, Kosta-Rıka jáne Solomon araldary quramalarymen bir topqa tústi. Nátıjesinde alǵashqy kezdesýde Argentınadan 0:1 esebimen jeńilgenimen kelesi oıyndarda Kosta-Rıkadan 3:1, Solomon araldarynan 10:0 esebimen basym tústi.

Alǵashqy qarsylasymyz - Albanııa búginge deıin tolaıym tabystarǵa jete qoıǵan joq. Álem chempıonatynyń fınaldyq satysynda oıyn kórsete qoımasa da, 2018 jyly Eýropa chempıonatynda el namysyn qorǵap qaıtty.

Rýmyndar búgingi kúnge deıin álem chempıonatynyń fınaldyq satysynda oıyn kórsetip kórgen emes. Esesine Eýropa chempıonatynda úsh márte baq synap úlgerdi. Alǵash 2007 jyly qurlyqtyq dodaǵa qatysqan olar toptyq kezeńnen árige asa alǵan joq. Odan keıin 2012, 2014 jyldarda shırek fınalǵa deıin jetti. Ázirge qol jetkizgen joǵary tabysy retinde osyndaı kórsetkishti aıtýǵa bolady.

Al Gollandııa álem chempıonatynyń fınaldyq satysynda tórt márte synǵa túsip úlgerdi. Olar 1989-2000 jyldarda tórt márte dúbirli doda tórinen kórindi. 1989 jyly ekinshi oryn alsa, qalǵan jyldarda ekinshi kezeńge deıin jetti. Degenmen jarystyń shırek fınalynda Ispanııaǵa 2:5 esebimen jol berip qoıdy.

Qazaqstan quramasy búgin, 23 qazanda Albanııamen kezdesedi. Odan keıin 24 qazanda Gollandııamen, 26 qazanda Rýmynııamen sheberlik baıqasady.

Esterińizge sala ketelik, álem chempıonatynyń fınaldyq kezeńi 2020 jyldyń 12 qyrkúıek - 4 qazan aralyǵynda Lıtvada ótkiziledi. Onda barlyǵy 24 qurama synǵa túsedi.

Bizdiń kanalymyzǵa jazylyńyz:

Basty sózder: Sport,
Bólisińiz:

Avtor:

Ádiljan Úmbet

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Janıbek Amangeldı
Janıbek Amangeldı
954-059

MURAǴAT