Fýtboldan UEFA Chempıondar lıgasynyń fınaly ótedi
2022 jylǵy 28 mamyr 10:29

Fýtboldan UEFA Chempıondar lıgasynyń fınaly ótedi

NUR-SULTAN. QazAqparat - Senbiden jeksenbige qaraǵan túni fýtboldan UEFA Chempıondar lıgasynyń fınaly ótedi, dep habarlaıdy QazAqparat tilshisi.

Aqtyq kezeńde «Lıverpýl» (Anglııa) men «Real Madrıd» (Ispanııa) komandalary kezdesedi.

Match elorda ýaqytymen 00.40-ta bastalyp, «Qazsport» telearnasynan tikeleı efırde kórsetiledi.

Oıyn Frantsııanyń Sen-Denı qalasyndaǵy «Stad de Frans» stadıonynda ótkiziledi.

Kezdesý barysynda frantsııalyq Kleman Tıýrpen bas tóreshi qyzmetin atqarady. Oǵan otandastary Nıkolıa Dano men Sırıl Grengor kómekshilik jasaıdy. Qosalqy tóreshi de frantsııalyq Benýa Basten.

Eki komanda buǵan deıin 8 márte kezdesti. Onyń 3-i «Lıverpýl» klýbynyń basymdyǵymen aıaqtalsa, bireýinde teń nátıje tirkelip, qalǵanynda ıspanııalyq klýbtyń mereıi ústem boldy.

Komandalar osynyń aldynda byltyr Chempıondar lıgasy 1/4 fınalynda kezdesti. Bul joly «Real Madrıd» (0:0, 3:1) klýby jarysty jalǵastyrýǵa múmkindik aldy.

Eki komanda quramynda fýtbolshylardan jaraqat alǵandar joq. Búgingi oıynǵa barlyǵy daıyn.

«Lıverpýl» 6 márte Chempıondar lıgasy (Eýropa chempıondar kýbogy) kýbogyn tóbesine kótergen bolatyn. Budan buryn 2019 jyly jeńimpaz atandy.

Al «Real Madrıd» Chempıondar lıgasy (Eýropa chempıondar kýbogy) týrnırinde 13 márte jeńis tuǵyrynan kórindi. Budan buryn 2018 jyly úzdik shyqty.

Osyǵan deıin «Aıntraht» Eýropa lıgasynyń jeńimpazy bolǵanyn, fýtboldan Konferentsııa lıgasynyń jeńimpazy anyqtalǵanyn jazǵan bolatynbyz.



Uqsas jańalyqtar

Jańalyqtar

MURAǴAT