+7 (701) 759 90 19
USD 383.95 EUR 429.26
RUB 6.16 CNY 55.02
Jańalyqtar

Fýtboldan Qazaqstannyń 2019 jylǵy úzdikteri anyqtaldy

2019 jylǵy 11 qarasha 22:51
Bólisińiz:
Fýtboldan Qazaqstannyń 2019 jylǵy úzdikteri anyqtaldy

NUR-SULTAN. QazAqparat - Qazaqstan fýtbol federatsııasy 2019 jylǵy maýsymnyń qorytyndysy boıynsha úzdik oıynshylardy, bapkerler men menedjerlerdi saltanatty marapattaý rásimin ótkizdi, dep habarlaıdy QazAqparat tilshisi.

«Qazaqstan Premer-lıgasynyń úzdik fýtbolshysy» ataǵyna elordalyq «Astana» komandasynyń jartylaı qorǵaýshysy Marın Tomasov laıyq dep tanyldy. Al Almatynyń «Qaırat» klýbynyń jartylaı qorǵaýshysy Baýyrjan Islamhan «Qazaqstan ulttyq quramasynyń úzdigi» atandy. Shymkenttiń «Ordabasy» klýbynyń qaqpashysy Dmıtrıı Nepogodov, «Astana» qorǵaýshysy Dmıtrıı Shomko, «Qaırattyń» jartylaı qorǵaýshysy Baýyrjan Islamhan, «Aqtóbe» shabýylshysy Abat Aıymbetov óz shebinde úzdik dep sanaldy. Qyzylordanyń «Qaısar» komandasynyń bas bapkeri, bolgar mamany Stoıcho Mladenov «Úzdik bapker» atandy. Aıta ketsek, bıyl qyzylordalyq klýb Qazaqstan kýbogyna ıe bolyp, aldaǵy jyly Eýropa lıgasynyń ekinshi irikteý satysynan bastap oıyn kórsetýge múmkindik aldy.

Al «Birinshi lıganyń úzdik surmergeni» ataǵyna Aqtaýdyń «Kaspıı» komandasynyń shabýylshysy Aıdos Táttibaev ıe bolsa, Petropavldyń «Qyzyljar» komandasynyń bas bapkeri Álı Álıev úzdik atandy. Ekinshi lıgada «Úzdik bapker» ataǵyna Shymkenttiń «Qyran-M» klýbynyń bas bapkeri Farhadbek Irısımetov qol jetkizse, Qaraǵandynyń «Shahter-M» klýbynyń shabýylshysy Matveı Gerasımov «Úzdik oıynshy» nomınatsııasyn ıelendi.

Fýtzalda taldyqorǵandyq «Jetisý» oıynshysy Everton «Úzdik surmergen» bolsa, «Úzdik oıynshy» atalymyna «Aqtóbe» oıynshysy Qaırat Imanalın ıe boldy. Qazaqstan quramasy men «Qaırat» komandasynyń bas bapkeri Kaka «Úzdik bapker» atandy.

Qyzdar fýtbolynda «Úzdik surmergen» jáne «Úzdik oıynshy» nomınatsııasymen Shymkenttiń «BIIK-Qazyǵurt» oıynshysy Adılıa Vyldanova marapattalsa, sol klýbtyń bapkeri Kaloıan Petkov «Úzdik bapker» boldy.

Eske salaıyq, keshe fýtboldan Premer-lıga komandalary arasyndaǵy Qazaqstan chempıonaty máresine jetti.

Bizdiń kanalymyzǵa jazylyńyz:

Basty sózder: Sport,
Bólisińiz:

Avtor:

Ádiljan Úmbet

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT