Fýtboldan Qazaqstan sýperkýbogy qaıda ótetini belgili boldy
ASTANA. QazAqparat - Fýtboldan Qazaqstan sýperkýbogy qaıda ótetini belgili boldy, dep habarlaıdy QazAqparat tilshisi.
Sýperkýbok oıyny elordadaǵy «Astana Arena» stadıonynda 25 aqpan kúni ótedi. Onda ótken jyly el chempıony atanǵan elordalyq «Astana» men Qazaqstan kýbogynyń ıegeri shymkenttik «Ordabasy» klýbtary sheberlik baıqasady.
Bıylǵy sýperkýbok oıyny óz tarıhynda 16-márte ótkizilmek. Qazirge deıin ol elimizdiń Almaty («Ortalyq»), Astana («Astana Arena»), Qostanaı («Tobyl Arena») jáne Týrkistan («Túrkistan-Arena») qalalarynda boldy.
Buǵan deıin sýperkýbokqa barlyǵy alty komanda qol jetkizdi. Olardyń qatarynda «Astana» 5, «Aqtóbe» 3, «Qaırat» pen «Tobyl» 2, «Shahter», «Ordabasy» men «Elimaı» 1 márteden enshiledi.
Eske salsaq, budan buryn Qaraǵandynyń «Shahter» komandasyna bas bapker taǵaıyndaldy.
Foto: Túrkistan oblysy ákimdigi
