+7 (701) 759 90 19
USD 435.54 EUR 473.08
RUB 5.76 CNY 61.64
Jańalyqtar

Fýtboldan Qazaqstan sýperkýbogy qaı komandaǵa buıyrady

2020 jylǵy 29 aqpan 12:54
Bólisińiz:
Fýtboldan Qazaqstan sýperkýbogy qaı komandaǵa buıyrady

NUR-SULTAN. QazAqparat - Búgin Qostanaı qalasynda fýtboldan sýperkýbok oıyny ótkiziledi. Bul básekede elordalyq «Astana» jáne Qyzylordanyń «Qaısar» komandasy kezdesedi, dep habarlaıdy QazAqparat tilshisi.

Búgingi kúnge deıin fınalda toǵyz komanda baq synaǵan. Onyń ishinde «Astana» jeti márte fınalda oınap, tórt márte (2011, 2015, 2018, 2019) kýbokty ıelendi. Odan keıingi kezekte Almatynyń «Qaıraty» 5 márte fınalda baq synap, úsheýinde (2016, 2017) jeńimpaz atandy. Al «Aqtóbe» 2 (2008, 2010), «Elimaı» (1995), «Ordabasy» (2012), «Shahter» (2013) komandalary bir-birden jeńimpaz tuǵyrynan kórindi. Sondaı-aq, «Atyraý», «Vostok» jáne «Tobyl» komandalary sýperkýbokqa shyqqanymen birde-bir márte oǵan qol jetkize alǵan joq.

Aıta keterligi, 2015 jyldan beri sýperkýbokta «Astana» men «Qaırat» komandalary ózara tartysqa túsip keledi. Úsheýinde elordalyq klýbtyń mereıi ústem bolsa, ekeýinde almatylyq komanda basym tústi. Endeshe, bıyl sońǵy bes jylda alǵash ret «Qaısar» komandasy «Qaırattyń» ornyn almastyryp otyr. Byltyr «Astana» qatarynan altynshy márte Qazaqstan chempıony ataǵyn jeńip alsa, «Qaısar» óz tarıhynda ekinshi márte Qazaqstan kýbogyna ıe boldy.

Elordalyq klýb bıyl komanda quramyn burynǵydan da kúsheıte tústi. Jylma-jyl eýrokýbok oıyndarynda el namysyn abyroımen qorǵap júrgen «Astana» óz quramyna tájirıbeli oıynshylardy shaqyrdy. Olardyń qatarynda kıprlik Pıeros Sotırıý, armenııalyq Tıgran Barsegıan, belarýstik Maks Ebong syndy fýtbolshylar bar. Qyzylordalyq komanda quramyna da kóptegen oıynshylar keldi. Bıyl reseılik Alekseı Shýmskıh, horvatııalyq Ivan Peshıch, mozambıktik Artýro Rejınaldo, grýzııalyq Elgýdja Rejınaldo «Qaısardyń» namysyn qorǵaıdy.

Búgingi kezdesýde qostanaılyq Anatolıı Vıshnıchenko bas tóreshi qyzmetin atqarady. Oǵan qos qaptalda atyraýlyq Sergeı Kalachev pen petropavldik Denıs Vınogradov kómekshilik jasaıdy. Al almatylyq Aıdyn Raqymbaev pen petropavldyq Aleksandr Gaýzer qaqpa mańynda qyzmetterin atqarady.

Kezdesý elorda ýaqytymen 17.00-de bastalady. Oıyn «Habar» telearnasynan tikeleı efırde kórsetiledi.


Bizdiń kanalymyzǵa jazylyńyz:

Basty sózder: Sport,
Bólisińiz:

Avtor:

Ádiljan Úmbet

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT