Fýtboldan Qazaqstan kýbogy oıyndarynyń kestesi jarııalandy
2022 jylǵy 26 mamyr 22:14

Fýtboldan Qazaqstan kýbogy oıyndarynyń kestesi jarııalandy

NUR-SULTAN. QazAqparat - Fýtboldan Qazaqstan kýbogy toptyq kezeńiniń oıyn kestesi belgili boldy, dep habarlaıdy QazAqparat tilshisi.

Alǵashqy týr oıyndary 8, 9, 10 shilde kúnderi ótkiziledi. Al ekinshi týr 15, 16, 17 shildege belgilengen.

Sondaı-aq komandalar úshinshi týr oıyndaryn 22, 23, 24, tórtinshi týrdy 29, 30, 31 shilde kúnderi ótkizse, besinshi týr 5, 6, 7 tamyzǵa eseptelgen.

Altynshy týr 13, 14, 15 tamyzda oınalady.

Jerebe nátıjesi boıynsha 16 komanda tórt topqa bólingen. Olardyń 14-i Premer-lıgada synǵa túsetin klýbtar bolsa, jarystyń úsh satysynda jeńimpaz atanǵan «Qaısar» men «Jetisý» olardyń qataryna qosyldy.

Komandalardyń toptarǵa bólinýi tómendegishe:

A toby: «Aqsý», «Atyraý», «Qaırat», «Ordabasy»;

V toby: «Qaısar», «Aqjaıyq», «Kaspıı», «Qyzyljar»;

S toby: «Aqtóbe», «Maqtaaral», «Taraz», «Tobyl»;

D toby: «Shahter», «Turan», «Jetisý», «Astana».

Eske salsaq, budan buryn fýtboldan Konferentsııa lıgasynyń jeńimpazy anyqtaldy.



Uqsas jańalyqtar

Jańalyqtar

MURAǴAT