Qoldanýshy baptaýlary
Qoldanýshy baptaýlary
+7 (701) 759 90 19 Lenta
USD 384.05 EUR 432.79
RUB 5.96 CNY 55.46
Jańalyqtar

Fýtboldan Qazaqstan kýbogy: «Ordabasy» men «Atyraý» teń tústi

2019 jylǵy 22 mamyr 20:16 614
Bólisińiz:
Fýtboldan Qazaqstan kýbogy: «Ordabasy» men «Atyraý» teń tústi

NUR-SULTAN. QazAqparat - Fýtboldan Qazaqstan kýbogy jartylaı fınalynyń birinshi oıynynyń alǵashqy kezdesýi aıaqtaldy, dep habarlaıdy QazAqparat tilshisi.

Uqsas jańalyqtar
Fýtboldan Qazaqstan kýbogy Tarazda ótýi múmkin Qazaqstan quramasy FIFA reıtınginde óz ornyn jaqsartty

Jartylaı fınaldaǵy alǵashqy kezdesý Shymkent qalasynda ótkizildi. Jergilikti «Ordabasy» óz alańynda «Atyraý» komandasyn qabyldady. Búgingi kezdesýde esepti  «Ordabasy» komandasy ashty. Kezdesýdiń 17-mınýtynda Abdýlaı Dıakate óz komandasyn alǵa shyǵardy. Al «Atyraý» 68-mınýtta tarazy basyn teńestirdi. Olardyń qatarynan Edýard Sergıenko qaqpany dál kózdedi. Oıyn 1:1 esebimen teń aıaqtaldy. Qarymta oıyn 19 maýsymda Atyraýda ótkiziledi.

Búgingi kúnge deıin «Ordabasy» komandasy 2011 jyly kýbokqa qol jetkizip, «Tobyldy» 1:0 esebimen jeńip ketti. 2007 jyly fınalda sol «Tobylǵa» jol berse, 2010 jyly jartylaı fınalǵa joldama aldy.

«Ordabasy» Qazaqstan kýbogynda eki kezdesý ótkizdi. Aldymen 1/8 fınalda Kókshetaýdyń «Oqjetpesin» 1:0 esebimen jeńdi. Shırek fınalda «Tarazben» 1:1 esebimen teń túsip, penaltı tebýde shymkenttik komandanyń joly boldy.

Al «Atyraý» 2009 jyly kýbok ıegeri atandy. Sol joly Qaraǵandynyń «Shahterin» 1:0 esebimen jeńgen bolatyn. Sońǵy eki jylda fınalǵa deıin jetti. Sondaı-aq, 2001, 2004 jáne 2005 jyldarda jartylaı fınalǵa shyǵa aldy.

Bıyl Qazaqstan kýbogynda «Atyraý» da sátti oınap keledi. Atyraýlyq klýb 1/8 fınalda  Taldyqorǵannyń «Jetisý» klýbyn 1:0 esebimen qapy qaldyrdy. Odan keıin shırek fınalda Semeıdiń «Altaıymen» negizgi kezeńde 1:1 esebimen teń oınap, penaltı tebýde atyraýlyq komanda mergendik tanytty.

Dál qazir Qostanaıda Qazaqstan kýbogy jartylaı fınalynyń taǵy bir kezdesýi ótip jatyr. Birinshi kezeńnen keıin jergilikti «Tobyl» men Qyzylordanyń «Qaısar» komandalary teń túsip jatyr. 

 

 

Bizdiń kanalymyzǵa jazylyńyz:

Basty sózder: Sport, Qoǵam,
Bólisińiz:

Avtor:

Ádiljan Úmbet

Zagrýzka...
Pikir qaldyrý
+7
Jiberý
ONLAIN QYZMETKERLER
REDAKTOR
Janıbek Amangeldı
Janıbek Amangeldı
954-059
MURAǴAT