+7 (701) 759 90 19
USD 388.96 EUR 432.21
RUB 6.09 CNY 54.99
Jańalyqtar

Fýtboldan Qazaqstan kýbogi: «Tobyl» «Qaısardy» tórt jyldan keıin jeńdi

2019 jylǵy 22 mamyr 21:05
Bólisińiz:
Fýtboldan Qazaqstan kýbogi: «Tobyl»  «Qaısardy» tórt jyldan keıin jeńdi

NUR-SULTAN. QazAqparat - Fýtboldan Qazaqstan kýbogi jartylaı fınalynyń alǵashqy oıyndary máresine jetti, dep habarlaıdy QazAqparat tilshisi.

Budan buryn jartylaı fınaldaǵy birinshi oıynnyń alǵashqy kezdesýi máresine jetkenin habarlaǵan edik. Shymkentte jergilikti «Ordabasy» men «Atyraý» komandalary 1:1 esebimen teń tústi. Odan keıingi oıyn Qostanaıda «Tobyl» men Qyzylordanyń «Qaısary» arasynda jalǵasty.

Qazaqstan kýboginde «Tobyl» aldymen 1/8 fınalda syrt alańda Pavlodar oblysynyń «Aqsý» klýbyn 3:0 esebimen tize búktirip, odan keıin Almatynyń «Qaıratyn» 5:1 esebimen orta jolda qaldyrdy. «Tobyl» Qazaqstan kýbogine 2007 jyly qol jetkizgen edi. Sol jyly fınalda Shymkenttiń «Ordabasy» komandasynan 3:0 esebimen basym tústi. Sondaı-aq, qostanaılyq klýb 2003 jáne 2011 jyldary fınalǵa deıin jetti. Al 2001 jáne 2008 jyldarda jartylaı fınalda synǵa tústi.

Qyzylordanyń «Qaısary» syrt alańda 1/8 fınalda «Ońtústik akademııasyn», shırek fınalda Pavlodardyń «Ertisin» 2:1 esebimen jeńip ketti. «Qaısar» komandasy 1999 jyly kýbokqa ıe bolyp, ol joly Óskemenniń «Vostogynan» 2:1 esebimen basym tústi.1998 jyly fınalǵa deıin jetse, 2007 jyly jartylaı fınalda baq synady.

Aıta keterligi, «Tobyl» «Qaısardy» sońǵy tórt jyldan beri Qazaqstan birinshiliginde jeńe almaı kele jatqan edi. Sońǵy ret «Tobyl» «Qaısardy» Qyzylordada 2015 jyldyń 13 qyrkúıeginde 2:1 esebimen jeńip ketken edi. Sondaı-aq, bıyl qostanaılyq klýb 12 mamyrda ótken el birinshiliginiń 10-týrynda 1:5 esebimen oısyraı jeńilgeni belgili.

Búgingi kezdesýde «Tobyl» sol olqylyqtardyń ornyn toltyrýǵa tyrysty. Olar shabýyl shebinde kóbirek boı kórsetti. Ásirese, ekinshi kezeńde belsendilgi aıqyn ańǵaryldy. Nátıjesinde 74-mınýtta Maksım Fedın óz komandasyn alǵa shyǵardy. Kezdesýde «Tobyl» 1:0 esebimen jeńiske jetti. Qarymta kezdesý 19 maýsymda Qyzylordada ótedi. Jeńimpaz eki kezdesýdiń nátıjesi boıynsha anyqtalady.

Ekinshi aınalym oıyndary 26 mamyrda bastalady. Bul kúni «Jetisý» men «Qaısar», «Aqtóbe» men «Ordabasy», «Ertis» pen «Atyraý», «Oqjetpes» pen «Astana», «Taraz» ben «Tobyl», «Shahter» men «Qaırat» komandalary kezdesedi.

Bizdiń kanalymyzǵa jazylyńyz:

Basty sózder: Sport, Qoǵam,
Bólisińiz:

Avtor:

Ádiljan Úmbet

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Bakytjan Erbasov
Bakytjan Erbasov
954-059
REDAKTOR
Erbol Janat
Erbol Janat
954-059
REDAKTOR
Janıbek Amangeldı
Janıbek Amangeldı
954-059

MURAǴAT