Fýtboldan Qazaqstan chempıonatynda «Aqtóbe» kósh bastady
2022 jylǵy 2 shilde 20:48

Fýtboldan Qazaqstan chempıonatynda «Aqtóbe» kósh bastady

NUR-SULTAN. QazAqparat – Fýtboldan Qazaqstan chempıonatynyń 16-týrynda Qaraǵandynyń «Shahteri» óz alańynda «Aqtóbeni» qabyldady, dep habarlaıdy QazAqparat tilshisi.

Aqtóbelikter munyń aldynda qatarynan úsh ret jeńiske jetken-di. Sonyń ishinde el chempıony Qostanaıdyń «Tobyly» men «Astanany» utqan edi.

Alań ıeleri sońǵy bes oıynnyń bireýinde ǵana jeńiske jetti. Bul qazaqstandyq maman Vahıd Masýdovtyń «Shahterdiń» bas bapkeri retindegi alǵashqy matchy bolatyn.

Birinshi taımda qaraǵandylyq Tımýr Dosmaǵambetov 12-mınýtta 11 metrlik aıyp dobyn múltiksiz oryndady. 47-mınýtta Roman Mýrtazaev esepti 2:0-ge jetkizdi.

Ekinshi taımda qonaqtar basymdylyq tanytty. T. Dosmaǵambetov óz alańynda qolmen oınaǵannan keıin Álibek Qasym 54-mınýtta penaltıden múlt ketken joq. Jerar Goý 75-mınýtta tarazy basyn teńestirse, 82-mınýtta «Aqtóbeniń» surmergeni Ýgo Vıdemont jeńis golyn soǵyp ketti – 3:2.

Osylaısha, 26 upaı jınaǵan Andreı Karpovıchtiń shákirtteri týrnır kestesinde birinshi orynǵa shyqty. «Shahter» 17 upaımen 9-satyda qaldy.

Kelesi týrda 26 tamyz kúni «Shahter» syrt alańda «Maqtaaralmen» sheberlik baıqassa, «Aqtóbe» «Aqsýdy» qabyldaıdy.

Eske sala keteıik, budan buryn «Aqjaıyq» fýtbol klýbyna jańadan bes oıynshy alynǵanyn jazǵan bolatynbyz.

Uqsas jańalyqtar

Jańalyqtar

Úrdis

MURAǴAT