+7 (701) 759 90 19
USD 425.78 EUR 494.08
RUB 5.98 CNY 66.23
Jańalyqtar

Fýtboldan Qazaqstan chempıonaty: «Jetisý» men «Aqjaıyq» tartysty matchta teń tarqasty

2021 jylǵy 18 qyrkúıek 17:01
Bólisińiz:
Fýtboldan Qazaqstan chempıonaty: «Jetisý» men «Aqjaıyq» tartysty matchta teń tarqasty

NUR-SULTAN. QazAqparat – Fýtboldan Qazaqstan chempıonatynyń 21-týrynda Taldyqorǵanda jergilikti «Jetisý» Oraldyń «Aqjaıyǵyn» qabyldady, dep habarlaıdy QazAqparat tilshisi.

Uqsas jańalyqtar
Fýtboldan Qazaqstan chempıonaty: «Qaırat» bıyl qola júldeni mise tutty Fýtboldan Qazaqstan chempıonaty: «Qaırat» syrt alańda «Aqtóbeni» jeńdi 2021-2022 maýsymyndaǵy fýtzaldan QR chempıonatynyń kúntizbesi jarııalandy

Týrnır kestesinde batysqazaqstandyqtar 28 upaımen 6-satyda kele jatsa, nebári 11 upaıy bar taldyqorǵandyqtar kósh sońynda edi.

Ótken týrda óz alańynda «Astanaǵa» ese jibergen oraldyqtardyń bas bapkeri, ýkraınalyq maman Vladımır Mazıar bul joly Ivan Antıpov pen Vladımır Plotnıkovtyń ornyna Alekseı Chıchıkov pen Mıhaıl Gaenkovtarǵa senim artty.

Basqalaı ózgeris jasaǵan joq.

Premer-lıgada qalý úshin alań ıeleriniń de baryn salatyny túsinikti edi.

Birinshi taımda qarsylastar shabýyldap baqqanymen, esep ashylǵan joq.

Matchtyń ekinshi kezeńi áldeqaıda nátıjeli órbidi. Aldymen 57-mınýtta «Jetisý» sapynan Aıbar Jaqsylyqov esep ashsa, 64-mınýtta «Aqjaıyqtan» reseılik Evgenıı Kozlov tarazy basyn teńestirdi.

10 mınýttan keıin Raýl Djalılov alań ıelerin taǵy da alǵa shyǵarǵanymen, 80-mınýtta Qazaqstan ulttyq quramasynyń múshesi Erkin Tapalov baspen qaqpa buryshyn dál kózdedi – 2:2.

Budan keıin esep ózgergen joq.

«Aqjaıyq» kelesi kezdesýin 25 qyrkúıekte óz alańynda Qyzylordanyń «Qaısarymen» ótkizedi. Al «Jetisý» Aqtóbege qonaqqa barady.

Eske sala keteıik, budan buryn «Aqjaıyqty» jeńgen «Astananyń» kósh basyna kóterilgenin jazǵan bolatynbyz.


Foto: Aıbatyr Nurash


Bizdiń kanalymyzǵa jazylyńyz:

Bólisińiz:

Avtor:

Eljan Eraly

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Janat Qapalbaeva
Janat Qapalbaeva
954-059

MURAǴAT