Fýtboldan Qazaqstan chempıonaty qaıta jalǵasty

NUR-SULTAN. QazAqparat - Búgin fýtboldan Premer-lıga komandalary arasynda Qazaqstan chempıonatynyń 13-týrynda eki oıyn ótti, dep habarlaıdy QazAqparat tilshisi.

Uqsas jańalyqtar

Fýtbol: «Shahter» komandasyna bas bapker taǵaıyndaldy

Fýtbol: Almatynyń «Qaıratyna» nemis shabýylshysy keldi Qostanaıdyń «Tobyly» alty fýtbolshymen qoshtasty Fýtzaldan Chempıondar lıgasy: «Qaırat» jarystyń kelesi satysyna shyqty

Aldymen Kókshetaýdyń «Oqjetpes» jáne Petropavldyń «Qyzyljar» komandalary kezdesti. Ekeýi de týrnır kestesinde tómengi oryndarda keledi. Sondyqtan olar úshin jeńis aýadaı qajet bolatyn. Bul joly kókshetaýlyq komanda úsh upaıdy oljalap ketti.

«Qyzyljar» sapynan 43-mınýtta Shota Grıgalashvılı esep ashqan edi. Oǵan ekinshi kezeńde Artem Dmıtrıev 54, Darko Zorıch 68-mınýtta qos golmen jaýap qaıyrdy.

Osylaısha «Oqjetpes» qarsylasynan 2:1 esebimen basym tústi.

Taǵy bir kezdesý Jambyl oblysynyń «Taraz» jáne Qyzylordanyń «Qaısar» komandalary sheberlik baıqasty.

Birinshi kezeńde «Taraz» sapynan Baýyrjan Turysbek 22, Serj Nıýajzı 25-mınýttarda gol soqty.

Ekinshi kezeńde «Qaısar» shabýylshysy Elgýdja Lobjanıdze 61, 82-mınýttarda qos goldyń avtory atandy. Oıyn 2:2 esebimen teń aıaqtaldy.

Endi atalǵan týrda 18 qazanda «Shahter» men «Ordabasy», «Jetisý» men «Qaırat», «Kaspıı» men «Tobyl» komandalary kezdesedi.