Fýtboldan Qazaqstan birinshiliginiń oıyn kúntizbesi jarııalandy
ASTANA. QazAqparat - Qazaqstannyń kásipqoı fýtbol lıgasy el chempıonatynyń jáne kýbogynyń oıyn kúntizbesin jarııalady, dep habarlaıdy QazAqparat tilshisi.
Bıyl Premer-lıga komandalary arasyndaǵy el birinshiliginde 14 komanda synǵa túsedi. Olardyń qatarynda «Jetisý» (Taldyqorǵan), «Aqtóbe», «Astana», «Shahter» (Qaraǵandy), «Ordabasy» (Shymkent), «Kaspıı» (Aqtaý), «Tobyl» (Qostanaı), «Aqsý» (Pavlodar oblysy), «Qaırat» (Almaty), «Atyraý», «Qaısar» (Qyzylorda), «Qyzyljar» (Petropavl), «Maqtaral» (Túrkistan oblysy), «Okjetpes» (Kókshetaý) komandalary bar.
Alǵashqy týrda 4-5 naýryz kúnderi «Jetisý» men «Aqtóbe», «Astana» men «Shahter», «Ordabasy» men «Kaspıı», «Tobyl» men «Aqsý», «Qaırat» pen «Atyraý», «Qaısar» men «Kyzyljar», «Maqtaral» men «Okjetpes» komandalary kezdesedi.
Sońǵy týr 28-29 qazan kúnderi ótedi.
Qazaqstan kýbogynyń fınaly 4 qarashaǵa belgilengen.
Eske salsaq, buǵan deıin Sýperkýbok oıyny elordadaǵy «Astana Arena» stadıonynda 25 aqpan kúni ótetinin jazǵan edik. Onda ótken jyly el chempıony atanǵan elordalyq «Astana» men Qazaqstan kýbogynyń ıegeri shymkenttik «Ordabasy» klýbtary sheberlik baıqasady.
