+7 (701) 759 90 19
USD 424.99 EUR 504.21
RUB 5.81 CNY 65.66
Jańalyqtar

Fýtboldan Eýropa chempıonaty: Nıderlandy Ýkraınadan basym tústi

2021 jylǵy 14 maýsym 02:53
Bólisińiz:
Fýtboldan Eýropa chempıonaty: Nıderlandy Ýkraınadan basym tústi

NUR-SULTAN. QazAqparat- Búgin fýtboldan Eýropa chempıonatynyń fınaldyq satysyndaǵy toptyq kezeńde Nıderlandy men Ýkraına quramalary kezdesti, dep habarlaıdy QazAqparat tilshisi.

Uqsas jańalyqtar
Olımpıada-2020: Grek-rım kúresiniń sheberi Demeý Jadyraevtyń alǵashqy qarsylasy kim Tokıo Olımpıadasy: Elmıra Syzdyqova alǵashqy beldesýde jeńildi Tokıo Olımpıadasy: Jeńil atlet Mıhaıl Lıtvın fınalǵa óte almady


Atalǵan kezdesý dop dodasyndaǵy úshinshi oıyn kúnin túıindedi. Match Nıderlandy astanasy Amsterdam qalasyndaǵy Iohan Krýıff stadıonynda boldy.

Atalǵan eki komanda S tobynda synǵa túsedi. Qarsylastary - Avstrııa jáne Soltústik Makedonııa quramalary.

Eki qurama buǵan deıin eki márte kezdesken. Bireýinde nıderlandııalyq fýtbolshylardyń mereıi ústem bolsa, bireýinde teń nátıje tirkelgen.

Búgingi oıynda nıderlandııalyq quramanyń basymdyǵy ańǵarylyp turdy. Oıynnyń kóp bóliginde tizgindi óz qolyna alýǵa tyrysty.

Alǵashqy eki goldy Nıderlandy fýtbolshylary soqty. Aldymen Jorjıno Veınaldým 52-mınýtta esep ashsa, odan keıin Vaýter Vegorst 58-mınýtta mergendik tanytty.

Budan keıin Ýkraına sapynan Andreı ıArmolenko 75-mınýtta kózdegen nysanadan múlt ketken joq. Al 78-mınýtta taǵy bir ýkraınalyq fýtbolshy Roman ıAremchýk tarazy basyn teńestirdi.

Nıderlandy ókili Denzel Dıýmfrıs qolaıly sátte Ýkraına qaqpasynan sańylaý taýyp, qorytyndy esepti belgiledi.

Osylaısha, Nıderlandy qarsylasyn 3:2 esebimen jeńdi.

Eske salsaq, atalǵan toptaǵy Avstrııa Soltústik Makedonııadan 3:1 esebimen basym tústi.

S tobyndaǵy kelesi týr oıyndary 17 maýsym kúni oınalady. Bul kúni Nıderlandy men Avstrııa, Ýkraına men Soltústik Makedonııa kezdesedi.


Bizdiń kanalymyzǵa jazylyńyz:

#Sport   #Qoǵam  
Bólisińiz:

Avtor:

Ádiljan Úmbet

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Aıdar Ospanalıev
Aıdar Ospanalıev
954-059

MURAǴAT