+7 (701) 759 90 19
USD 423.91 EUR 497.37
RUB 5.82 CNY 65.59
Jańalyqtar

Fýtboldan Eýropa chempıonaty: Fınlıandııa Danııany jeńdi

2021 jylǵy 13 maýsym 01:36
Bólisińiz:
Fýtboldan Eýropa chempıonaty: Fınlıandııa Danııany jeńdi

NUR-SULTAN. QazAqparat - Fýtboldan 2020 jylǵy Eýropa chempıonatynyń fınaldyq kezeńi aıasyndaǵy Danııa men Fınlıandııa quramalary arasyndaǵy kezdesý aıaqtaldy, dep habarlaıdy QazAqparat tilshisi.

Uqsas jańalyqtar
Bokstan áskerıler arasyndaǵy ÁCh: Qazaqstandyqtar 3 «altyn» aldy Elorda mańynda atpen serýendeýge arnalǵan soqpaq jol salyndy Qurlyqtyq hokkeı lıgasy: «Barys» «Sıbırden» basym tústi


Eske salsaq, eki qurama V tobynda synǵa túsedi. Atalǵan topta olardan bólek, Reseı men Belgııa quramalary bar.

Qos qurama arasyndaǵy tartys Danııa astanasy Kopengagen qalasyndaǵy «Parken» stadıonynda ótti.

Atalǵan kezdesýdiń 42-mınýtynda danııalyq fýtbolshy Krıstıan Erıksen oıyn ústinde esinen tanyp qalyp, match ýaqytsha toqtatylǵan bolatyn.

K.Erıksenge dárigerler jasyl alań ústinde alǵashqy medıtsınalyq kómek kórsetti. Keıin ony arnaıy tehnıkamen stadıon ishine alyp ketti. Dárigerlerdiń aıtýynsha, ol jergilikti aýrýhanaǵa jetkizilip, jaǵdaıy qalypqa túsken.

Oıyn birshama ýaqyttan soń qaıta jalǵasty.

Kezdesýdiń 59-mınýtynda fınlıandııalyq Ioel Pohıanpalo áýelep kelgen dopty baspen qaqpaǵa uryp, óziniń quramasyn alǵa shyǵardy. Al 74-mınýtta danııalyq Per-Emıl Heıberg penaltıden múlt ketti.

Osylaısha Fınlıandııa qurlyqtyq dodanyń fınaldyq kezeńindegi tusaýkeser kezdesýinde jeńiske jetip otyr. Atalǵan qurama jarystyń osy satysyna óz tarıhynda tuńǵysh ret joldama alǵan.

Dál qazir atalǵan topta Belgııa men Reseı quramalary arasyndaǵy kezdesýdiń birinshi kezeńi ótip jatyr. Belgııalyq fýtbolshylar qarsylastarynan 1:0 esebimen basym túsýde.

Bul toptaǵy kelesi kezdesý 16 jáne 17 maýsym kúnderi ótkiziledi. Aldymen 16 maýsym Fınlıandııa men Reseı jasyl alańǵa shyqsa, 17 maýsymda Danııa men Belgııa kúsh baıqasady.




Bizdiń kanalymyzǵa jazylyńyz:

#Sport   #Qoǵam  
Bólisińiz:

Avtor:

Ádiljan Úmbet

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT